ஜிம்மில் உடற்பயிற்சி செய்வதற்கு முன்பு உடலுக்கு தேவையான ஆற்றலைப் பெறுவதற்காக பலரும் ப்ரீ-வொர்க் அவுட் சப்ளிமென்ட்களை பயன்படுத்துகின்றனர். இவை உடற்பயிற்சியின்போது உடல் செயல்பாட்டுக்கு உதவும் என்ற நோக்கத்தில் எடுத்துக்கொள்ளப்படுகின்றன. ஆனால், சப்ளிமென்ட்களுக்கு மாற்றாக இயற்கையான உணவுகளைத் தேர்வு செய்ய விரும்புபவர்களுக்கு வாழைப்பழம் மற்றும் உப்பு சேர்க்கை கவனம் பெற்றுள்ளது.

வாழைப்பழத்தில் உடற்பயிற்சிக்கு முன்பு உடலுக்குத் தேவையான ஆற்றலை வழங்கக்கூடிய கார்போஹைட்ரேட்டுகள் உள்ளன. அதேபோல், உப்பில் சோடியம் உள்ளது. இதனால் உடற்பயிற்சிக்கு முன்பு வாழைப்பழத்துடன் சிறிதளவு உப்பைச் சேர்த்து எடுத்துக்கொள்வது சிலருக்கு எளிய உணவு தேர்வாக இருக்கலாம்.

குறிப்பாக ஜிம்மில் தீவிரமாக உடற்பயிற்சி செய்பவர்கள், உடற்பயிற்சிக்கு முன்பு என்ன சாப்பிடுவது என்பதில் அதிக கவனம் செலுத்துகின்றனர். அந்த வகையில், எளிதில் கிடைக்கும் வாழைப்பழத்தையும் சிறிதளவு உப்பையும் பயன்படுத்தும் இந்த சேர்க்கை, ப்ரீ-வொர்க்அவுட் உணவாக முயற்சி செய்யப்படும் ஒரு வழியாக பார்க்கப்படுகிறது.

எனினும், வாழைப்பழம் மற்றும் உப்பு அனைத்து வகையான ப்ரீ-வொர்க்அவுட் சப்ளிமென்ட்களுக்கும் நேரடியான மாற்று என்று பொதுவாகக் கூற முடியாது. ஒவ்வொருவரின் உடற்பயிற்சி அளவு மற்றும் உடல் தேவைகள் வேறுபடும் என்பதால், உணவு அல்லது சப்ளிமென்ட்டைத் தேர்வு செய்வதற்கு முன்பு தகுந்த நிபுணரின் ஆலோசனையைப் பெறுவது சிறந்தது.