பெங்களூரு நகரின் இதமான வானிலை படிப்படியாக மாறி வருவதை உணர்த்தும் வகையில், அங்கிருக்கும் பெண் ஒருவர் பகிர்ந்த வீடியோ இணையத்தில் பெரும் விவாதத்தை ஏற்படுத்தியுள்ளது.
அந்த வீடியோவில், வீட்டிற்குள் மேஜை மீது வைக்கப்பட்டிருந்த மெழுகு வண்ணக் கோல்கள் வெயிலின் தாக்கத்தால் உருகி இருப்பதைக் கண்டு அவர் அதிர்ச்சி அடைந்துள்ளார்.
பல ஆண்டுகளாக பெங்களூரில் வசித்து வரும் தமக்கு இத்தகைய அனுபவம் இதுவே முதல்முறை என்றும், வீட்டிற்குள் இருக்கும் வெப்பம் ஒரு ஆம்லெட் போடும் அளவிற்கு அதிகமாக இருப்பதாகவும் அவர் வேடிக்கையாகவும் அதே சமயம் கவலையோடும் தெரிவித்துள்ளார்.
இந்த வீடியோவை பார்த்த பலரும், பெங்களூரு தனது புகழ்பெற்ற குளிர்ந்த காலநிலையை மெல்ல மெல்ல இழந்து வருவதாக வருத்தம் தெரிவித்து வருகின்றனர். மரங்கள் வெட்டப்படுவது, பெருகி வரும் கட்டிடங்கள் மற்றும் நகரமயமாக்கல் போன்ற காரணங்களால் வெப்பம் அதிகரித்து வருவதாக நிபுணர்கள் கூறுகின்றனர்.
View this post on Instagram
“>ஒரு காலத்தில் ஏசி தேவையே இல்லாத நகரமாக இருந்த பெங்களூரில், தற்போது வெயிலின் கொடுமையால் மக்கள் தவித்து வருவது பருவநிலை மாற்றத்தின் அபாயத்தை எச்சரிப்பதாக அமைந்துள்ளதாக நெட்டிசன்கள் கருத்து பகிர்ந்து வருகின்றனர்.
