2026 தமிழக சட்டமன்ற தேர்தலுக்கான களம் இப்போதே சூடுபிடிக்கத் தொடங்கிவிட்டது. குறிப்பாக, தேர்தல் அறிக்கை தயாரிப்பு மற்றும் கூட்டணி பேச்சுவார்த்தைகளில் திமுக மெத்தனமாக இருப்பதாக எதிர்க்கட்சித் தலைவர் எடப்பாடி பழனிசாமி கடுமையாகச் சாடியுள்ளார். “நாங்கள் (NDA கூட்டணி) வெறும் நான்கே நாட்களில் பேச்சுவார்த்தையை முடித்துவிட்டு அடுத்த வேலையைப் பார்க்கத் தொடங்கிவிட்டோம்.

ஆனால், திமுக கூட்டணியிலோ 25 நாட்களைக் கடந்தும் இன்னும் இழுபறி நீடிக்கிறது” என்று அவர் கிண்டலாகக் குறிப்பிட்டுள்ளார். திமுகவின் இந்தத் தாமதம் அக்கட்சியின் தொண்டர்களிடையே ஒருவித சலசலப்பை ஏற்படுத்தியுள்ளதாக அரசியல் வட்டாரங்கள் தெரிவிக்கின்றன.

​அதிமுகவின் இந்தத் திடீர் வேகம் முதலமைச்சர் ஸ்டாலினுக்கே ஒரு பெரிய அதிர்ச்சியாக மாறியுள்ளதாம். வெறும் தேர்தல் அறிக்கை மட்டுமல்லாமல், சுமார் 150 தொகுதிகளுக்கான உத்தேச வேட்பாளர் பட்டியலையும் அதிமுக ரகசியமாகத் தயார் செய்து வைத்திருப்பதாகத் தகவல்கள் கசிகின்றன.

திமுக இன்னும் கூட்டணி பங்கீட்டிலேயே மல்லுக்கட்டிக் கொண்டிருக்கும் வேளையில், அதிமுகவின் இந்த “அசுர வேகம்” தேர்தல் களத்தில் அவர்களுக்குப் பெரும் சாதகமாக அமையும் என்று எதிர்பார்க்கப்படுகிறது. வரும் நாட்களில் இந்த மோதல் இன்னும் தீவிரமடைந்து, தமிழக அரசியலில் பெரும் மாற்றங்களை உண்டாக்கும் என்பதில் சந்தேகமில்லை.