கரூர் மாவட்டத்தில் நடைபெற்ற துயர சம்பவம் குறித்து அதிமுக முன்னாள் அமைச்சர் செங்கோட்டையன் வேதனையுடன் கருத்து தெரிவித்தார். கோபிசெட்டிபாளையத்தில் செய்தியாளர்களை சந்தித்த அவர், “இந்த சம்பவம் மிகுந்த மனவேதனையை ஏற்படுத்துகிறது. இதயமே வெடிக்கிறது போல உணர்கிறேன். தமிழக அரசியல் வரலாற்றில் இதுபோல ஒரு சம்பவம் நடந்ததில்லை,” என்றார்.
உயிரிழந்தவர்களின் குடும்பங்களுக்கு தனது ஆழ்ந்த இரங்கலையும், அனுதாபங்களையும் தெரிவித்த அவர், “மருத்துவமனையில் சிகிச்சை பெற்று வரும் அனைவரும் விரைவில் நலமுடன் வீடு திரும்ப வேண்டும் என்றேன் பிரார்த்திக்கிறேன்,” என்று கூறினார்.
“இந்நிலையில், தமிழக அரசு மற்றும் மக்கள் இவை போன்ற துயரங்களை எதிர்கொள்ள வேண்டாம் என்ற நோக்கில், முன்கூட்டியே நடவடிக்கைகள் எடுக்கப்பட வேண்டும். ஒருங்கிணைப்பு பணிகள் நடைபெற்று வருகின்றன. பொறுத்திருந்தால், அடுத்த கட்ட முடிவு எடுக்கும் விவகாரம் குறித்து பின்னர் அறிவிக்கப்படும்,” என்றும் கூறினார்.
அதிமுகவில் இருந்து தன்னுடைய ஆதரவாளர்கள் நீக்கப்படுவது தொடர்பாக கேட்டதில், “அது அரசியலில் எந்தவிதமான தாக்கத்தையும் ஏற்படுத்தாது. அவர்கள் நீக்கப்படவே முடியும். அதனால் அதிமுகவிற்கு எந்த பாதிப்பும் இருக்காது,” என்று அவர் தெரிவித்தார்.
மேலும் முக்கியமாக, “எல்லா நிலைகளுக்கும் விரைவில் நன்மை ஏற்படும். யாரும் எந்தவிதமான எதிர்வினையும் காட்டவில்லை. என்னுடைய அமைதி என்பது வெற்றிக்கான அறிகுறி,” என கூறிய செங்கோட்டையன், எடப்பாடி பழனிசாமியின் பிரசார பயணம் கோபிசெட்டிபாளையம் வழியாக வரும் தகவல் குறித்து தான் எந்தவிதமான தகவலும் பெறவில்லை என்றும் தெரிவித்தார்.
