தமிழக வெற்றிக் கழகத்தின் தலைவர் விஜய், விரைவில் மாநிலம் தழுவிய மக்கள் சந்திப்புப் பயணத்தைத் தொடங்கத் திட்டமிட்டுள்ளார். இந்நிலையில், திருச்சியைச் சேர்ந்த தவெக ஆதரவாளர் ஒருவர் தனது கடையையே பரப்புரை மையமாக மாற்றியுள்ளார்.

அந்த நபர் தனது மளிகைக் கடையில் வாடிக்கையாளர்களுக்கு வழங்கும் பில்-லில் (Grocery Bill), “தமிழக வெற்றிக் கழகத்திற்கு வாக்களியுங்கள்” என்ற வாசகத்தை இடம்பெறச் செய்துள்ளார்.

பொருட்களின் விலைப் பட்டியலுக்குக் கீழே கட்சிக் கொடி மற்றும் சின்னம் தொடர்பான குறிப்புகளும் அந்தப் பில்-லில் இருப்பதாகத் தெரிகிறது.

இந்தக் கடை ரசீதின் புகைப்படம் தற்போது சமூக வலைதளங்களில் விஜய் ரசிகர்களால் மிக வேகமாகப் பகிரப்பட்டு வருகிறது.

ஏற்கனவே விஜய் திருச்சியில் பிரம்மாண்டமான பரப்புரைகளைத் தொடங்கிவிட்ட நிலையில், அடிமட்டத் தொண்டர்கள் இது போன்ற சிறு சிறு செயல்கள் மூலம் கட்சியின் பெயரை மக்களிடம் கொண்டு சேர்த்து வருகின்றனர்.