2020 ஆம் ஆண்டில் இந்தியாவில் 3.02 மில்லியன் குறைப்பிரசவங்கள் பதிவாகியுள்ளன. உலக அளவில் குறைப்பிரசவத்தில் 20 சதவீதத்திற்கும் அதிகமானவை என தி லான்செட் ஜர்னலில் வெளியிடப்பட்ட ஆய்வில் தெரியவந்துள்ளது. உலக சுகாதார அமைப்பு (WHO), ஐக்கிய நாடுகளின் குழந்தைகள் நிதியம் (UNICEF) மற்றும் லண்டன் ஸ்கூல் ஆஃப் ஹைஜீன் அண்ட் ட்ராபிகல் மெடிசின், பிரிட்டன் ஆகியவற்றின் ஆசிரியர்களின் ஆய்வு நடத்தப்பட்டது.

இதில்  2020 ஆம் ஆண்டில் அனைத்து குறைப்பிரசவங்களில் 50 சதவீதத்திற்கும் அதிகமானவை எட்டு நாடுகளில் நிகழ்ந்தன என்பதைக் காட்டுகிறது. இந்தியாவைத் தொடர்ந்து பாகிஸ்தான், நைஜீரியா, சீனா, எத்தியோப்பியா, வங்கதேசம், காங்கோ, அமெரிக்கா ஆகிய நாடுகள் உள்ளன.