சென்னை வளசரவாக்கத்தைச் சேர்ந்த கோகுல் (26) மற்றும் சவுந்தர்யா (24) ஜூன் மாதத்தில் காதலித்து திருமணம் செய்துகொண்ட தம்பதியினர். திருமணத்துக்குப் பிறகு ஆழ்வார் திருநகரில் வாழ்ந்து வந்த இருவருக்கும் அண்மையில் வீட்டுக்குள் தகராறு ஏற்பட்டதாக கூறப்படுகிறது. நேற்று இரவு இருவருக்கும் இடையே ஏற்பட்ட தகராறுக்கு பின்னர், மனமுடைந்த சவுந்தர்யா தனது வீட்டில் தூக்குப்போட்டு தற்கொலை செய்து கொண்டார்.

இது குறித்து தகவல் அறிந்த வளசரவாக்கம் போலீசார் சம்பவ இடத்திற்கு விரைந்து வந்து, சவுந்தர்யாவின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பினர். போலீசார் நடத்திய ஆரம்ப விசாரணையில், சவுந்தர்யா தனது தோழியின் திருமண விழாவுக்கு செல்ல கணவரை அழைத்துள்ளார். ஆனால் கோகுல் வர மறுத்துள்ளார். இதையடுத்து மனம் உடைந்த சவுந்தர்யா, அந்த வாதத்தை தொடர்ந்து தூக்குப்போட்டு தற்கொலை செய்து கொண்டதாக கூறப்படுகிறது.

இதுகுறித்து காவல்துறையினர் பல்வேறு கோணத்திலும் போலீசார் தீவிர விசாரணை மேற்கொண்டு வருகின்றனர். திருமணமாகி மூன்று மாதங்களே ஆகிய நிலையில் இந்த தற்கொலை நடந்ததால், வழக்கப்படி அரசு விதிமுறைகளின்படி ஆர்.டி.ஓ விசாரணைக்கும் பரிந்துரை செய்யப்பட்டுள்ளதாக தகவல் தெரிவிக்கின்றது.