ஷார்ஜாவின் அல் நஹ்தா பகுதியில், தனது ஒன்றரை மாத குழந்தையை கொன்ற பிறகு தானும் தற்கொலை செய்து கொண்ட விபாஞ்சிகா மணி (33) என்பவரின் சுயசதி கடிதம் தற்போது வெளிவந்துள்ளது. 6 பக்கங்களாக இருந்த இந்தக் கடிதம், முதலில் அவரது ஃபேஸ்புக் பக்கத்தில் பதிவாகி சில நேரத்துக்குள் அழிக்கப்பட்டது.

கடிதத்தை அவரது கணவர் நிதிஷ் மோஹன் அழித்திருக்கலாம் என சந்தேகம்

இது குறித்து விபாஞ்சிகாவின் உறவினர்கள்  கூறியபோது, “அந்த கடிதத்தை நாங்கள் பதிவிறக்கம் செய்து வைத்துள்ளோம். இது முக்கிய ஆதாரமாக இருக்கும்” என தெரிவித்துள்ளனர். குறிப்பாக, அவரது கணவர் நிதிஷ், மைத்துனி நீது மற்றும் மாமனார் மோகனன் ஆகியோரை, தற்கொலைக்குக் காரணம் என தெரிவித்துள்ளார்.

தாயின் வேதனை – “என் மகளைக் கொன்றது நிதிஷ் குடும்பமே!”

விபாஞ்சிகாவின் தாய் ஷைலஜா கூறியதாவது: “என் மகளை கொன்றது நிதிஷ், நீதுவும், அவர்களது தந்தை மோகனனும்தான். அவர்கள் என் மகளிடம் மரியாதையற்ற முறையில் நடந்தார்கள். அவளது முடியைச்  வெட்டியதையும் அவள் என்னிடம் சொல்லவில்லை. சொன்னா நான் கலங்குவேன்னு பயந்திருக்கலாம். ஆனால் இப்போது என் நிலை என்ன?” என வேதனையுடன் கூறினார்.

“என் மகளின் முகம் பார்ப்பதற்கே எனக்கு போதவில்லை – ஆனால் உயிர் போகிறது” – விபாஞ்சிகாவின் கடிதம்

சுயசதி கடிதத்தில் விபாஞ்சிகா, “நான் சாக விரும்பவில்லை. என் மகளின் முகம் பார்த்து  நான் இன்னும் வாழ விரும்புகிறேன். ஆனால் கட்டாயமான சூழ்நிலையால் இது நடந்தது” என எழுதியுள்ளார்.
அத்துடன், தன்னுடைய திருமணம் தகுதிகுறைவாக நடைபெற்றது, வீடில்லை, பணமில்லை, பிச்சை எடுத்து வாழ்கிறாள் எனவும், கணவர் குடும்பத்தினர் தொடர்ந்து அவமானப்படுத்தி வந்ததாகக் கூறியுள்ளார். மேலும் , “என் குழந்தைக்காகவாவது நீ விலகிவிடு” என நீதுவிடம் பலமுறை கெஞ்சினேன். ஆனால் எதையும் கேட்கவில்லை” என சுயசதி கடிதத்தில் வேதனையுடன் தெரிவித்துள்ளார்.

நிதிஷ், விவாகரத்துக்காக அழுத்தம் கொடுத்ததாக உறவினர்கள் குற்றச்சாட்டு

விபாஞ்சிகா ஒரே பெற்றோர் குடும்பத்திலிருந்து வந்தவராக இருப்பதால், தனது மகளுக்கும் அதே நிலை ஏற்படக்கூடாது என எண்ணி, குடும்ப பிரச்சனைகளை மாறும் நம்பிக்கையில் சமாளித்ததாக உறவினர்கள் தெரிவித்துள்ளனர்.

நிதிஷ் தொடர்ந்து விவாகரத்துக்காக அழுத்தம் கொடுத்ததாகவும், அதற்கும் எதிராகவே விபாஞ்சிகா நிலைத்து நின்றதாகவும் கூறப்பட்டுள்ளது. மேலும் தன்னுடைய தங்க நகைகள், வங்கிக் கார்டு உள்ளிட்டவற்றை நண்பரிடம் ஒப்படைத்திருந்தார்.

விபாஞ்சிகாவின் நண்பர் ஒருவரின் வழியாக, தங்க நகைகள், வங்கி லாக்கர் விசை மற்றும் கார்டுகள் போன்றவை அவரது உறவினர்களிடம் ஒப்படைக்கப்பட்டுள்ளன.

ஷார்ஜாவில் வசித்து வந்த அவரது உறவினர்கள் “வீட்டில் வைக்க முடியவில்லை என்பதற்காக, ஊருக்கு செல்லும்போது தரச் சொல்லி தற்காலிகமாக எங்களிடம் வைத்துவிட்டார்” என கூறியுள்ளனர்.

அழுத்தங்கள், அவமானங்கள், தனிமை – இவை அனைத்தும் உயிரை குடித்தன..!

விபாஞ்சிகாவின் மரணம் மற்றும் தாயின் கூச்சல்கள், திருமணத்தில் பெண்கள் சந்திக்கும் மன அழுத்தங்கள், குடும்ப அமைப்பில் பாதுகாப்பு இல்லாத சூழ்நிலைகள், மற்றும் சமூக கட்டுப்பாடுகள் குறித்து வலியுறுத்துகின்றன.
இன்னும் வரை நிதிஷ் மற்றும் அவரது குடும்பத்தினர் எதுவித பதிலும் அளிக்கவில்லை.

இந்தச் சம்பவம் மனஅழுத்தத்தால் உயிரிழக்கும் பெண்களின் பாதுகாப்பு, தீவிர விசாரணையின் அவசியம், மற்றும் சுயமரியாதையுடன் வாழும் பெண்களுக்கு சமூக ஆதரவு தேவை என்பதைத் தெளிவாக காட்டுகிறது.