மலேசியாவில் உள்ள ‘ZUS காபி’ (ZUS Coffee) கடையில், மெதுவான சேவை காரணமாக ஒரு சீனப் பெண் வாடிக்கையாளருக்கும் கடை ஊழியருக்கும் இடையே கடுமையான வாக்குவாதம் ஏற்பட்ட வீடியோ சமூக வலைத்தளங்களில் வைரலாகி வருகிறது.

யூடியூப் மற்றும் டிக்டாக்கில் பரவி வரும் இந்த வீடியோவில், சீன மொழி பேசும் அந்த வாடிக்கையாளர், சேவை தாமதமாவதாகக் கூறி ஊழியர்களுடன் சண்டையிடுகிறார்.

வாக்குவாதம் முற்றிய நிலையில், ஊழியர்களில் ஒருவர் அந்த வாடிக்கையாளரை “வெளியே போ” என்று கூறியதாகத் தெரிகிறது. இதனால் மேலும் கோபமடைந்த வாடிக்கையாளர், கையில் இருந்த காபியை ஊழியர் மீது வீசி எறிந்தார்.

ஊழியர்கள் கண்ணியத்துடனும் மரியாதையுடனும் நடத்தப்பட வேண்டும் என்று பல இணையவாசிகள் ஊழியருக்கு ஆதரவாகக் கருத்துத் தெரிவித்துள்ளனர்.

இந்தச் சம்பவம் குறித்து ‘ZUS காபி’ நிறுவனம் உடனடியாக முழுமையான விசாரணைக்கு உத்தரவிட்டுள்ளதுடன், எந்தவொரு மரியாதையற்ற நடத்தையும் பொறுத்துக்கொள்ளப்பட மாட்டாது என்றும் உறுதியளித்துள்ளது.