தபால் துறையின் தொழில்நுட்ப மேம்பாட்டுத் திட்டமான தொழில் நுட்பம் 2.0 ஆகஸ்ட் 4-ம் தேதி தென் சென்னை கோட்ட தபால்துறைகளில் நடைமுறைக்கு வருகிறது. இந்த புதிய டிஜிட்டல் சேவை தபால் பரிமாற்றங்களை மேலும் விரைவாகவும், தடையின்றியும், பாதுகாப்பான முறையிலும் செய்யும் வகையில் உருவாக்கப்பட்டுள்ளது. இதை முன்னிட்டு, அந்த சேவையை எளிதாக செயல்படுத்தும் நோக்கத்தில், ஆகஸ்ட் 2-ம் தேதி பரிவர்த்தனை இல்லாத நாளாக அறிவிக்கப்பட்டுள்ளது.

இதனால், சென்னை தெற்கு கோட்டத்தில் உள்ள அனைத்து தபால் நிலையங்களிலும் ஆகஸ்ட் 2-ம் தேதி எந்தவிதமான தபால் பரிவர்த்தனையும் நடைபெறாது. பொதுமக்கள் இந்த தகவலை முன்னிட்டுக் கொண்டு தங்களது தபால் தொடர்பான பணிகளை முன்கூட்டியே முடித்துக் கொள்வது நல்லது என தபால் துறை கேட்டுக் கொண்டுள்ளது.