தஞ்சாவூர் மாவட்டம் செங்கிப்பட்டியில் இன்று தமிழக வெற்றிக் கழகத்தின் முக்கிய நிர்வாகிகள் ஆலோசனைக் கூட்டம் நடைபெறுகிறது. இந்தச் சிறப்புக் கூட்டத்தில் பங்கேற்பதற்காகக் கட்சியின் தலைவர் விஜய் திருச்சியில் இருந்து சாலை மார்க்கமாகத் தனது வாகனத்தில் பயணம் மேற்கொண்டார்.
அவர் வரும் வழியெங்கும் ஆயிரக்கணக்கான தொண்டர்களும் ரசிகர்களும் அவரை வரவேற்கவும் ஒருமுறை பார்க்கவும் திரண்டனர். செங்கிப்பட்டியில் கூட்டம் நடைபெற இருக்கும் வளாகத்தில் காலை முதலே திரளான தொண்டர்கள் குவியத் தொடங்கியதால் அந்தப் பகுதியில் பெரும் பரபரப்பு நிலவி வருகிறது.
இந்நிலையில் விஜய்யின் தனிப்பட்ட வாழ்க்கை குறித்துச் சில தகவல்கள் சமூக வலைதளங்களில் பரவி வரும் சூழலில் அவரது மனைவி சங்கீதா நீதிமன்றத்தில் விவாகரத்துக் கோரி மனுத் தாக்கல் செய்ததாகக் கூறப்படுகிறது. இந்த இக்கட்டான தருணத்தில் தனது தலைவருக்கு ஆதரவு தெரிவிக்கும் வகையில் தொண்டர் ஒருவர் விஜய் மற்றும் சங்கீதா இருவரும் ஒன்றாக இருக்கும் புகைப்படத்தைத் தனது கையில் ஏந்தியபடி கூட்டத்திற்கு வந்துள்ளார்.
இது தொடர்பான காணொளி தற்போது இணையதளங்களில் வேகமாகப் பரவி வருவதுடன் தொண்டர்களின் உணர்ச்சிப்பூர்வமான இந்தச் செயல் பலரது கவனத்தையும் ஈர்த்துள்ளது.
