சிராஜுதினின் மிரட்டலால் பயந்துபோன வெண்ணிலா, தெரிந்தவர்கள் மூலம் அவரை அழைத்துச் சமாதானப்படுத்த முயன்றார். ஆனால், சிராஜுதின் பேரத்திற்கு ஒத்துவராததால், மனமுடைந்த வெண்ணிலா கடந்த நவம்பர் 4ஆம் தேதி வீட்டில் இருந்த தூக்க மாத்திரைகளைச் சாப்பிட்டுத் தற்கொலைக்கு முயன்றுள்ளார்.

உடனடியாக மீட்கப்பட்டு மருத்துவமனையில் அனுமதிக்கப்பட்ட வெண்ணிலாவிடம் போலீசார் விசாரித்தபோது, திடுக்கிடும் தகவல்கள் அனைத்தும் வெளிவந்தன. இதையடுத்து, வெண்ணிலா கொடுத்த புகாரின் பேரில், மிரட்டிப் பணம் பறிக்க முயன்ற டிரைவர் சிராஜுதினைப் போச்சம்பள்ளி போலீசார் கைது செய்து, நீதிமன்றத்தில் ஆஜர்படுத்தி ஊத்தங்கரை சிறையில் அடைத்தனர். இந்தச் சம்பவம் போச்சம்பள்ளி பகுதியில் பெரும் பரபரப்பை ஏற்படுத்தியுள்ளது.