பாகிஸ்தான் சூப்பர் லீக் 2026 தொடரின் வர்ணனையின் போது, பாகிஸ்தான் கிரிக்கெட் வாரியத்தின் முன்னாள் தலைவர் ரமீஸ் ராஜா மற்றும் ஆஸ்திரேலிய முன்னாள் வீராங்கனை லிசா ஸ்டாலேக்கர் ஆகியோருக்கு இடையே நடந்த ஒரு சுவாரசியமான நிகழ்வு தற்போது இணையத்தில் காட்டுத்தீயாய் பரவி வருகிறது.

மேலும் நேரலை ஒளிபரப்பின் போது, லிசா ஸ்டாலேக்கர் ரமீஸ் ராஜாவை அன்புடன் கட்டிப்பிடித்து தனது மகிழ்ச்சியை வெளிப்படுத்தினார். நீண்ட கால நண்பர்களான இவர்களின் இந்த நட்பு ரீதியான தருணம், கிரிக்கெட் ரசிகர்களிடையே பெரும் ஆச்சரியத்தையும் விவாதத்தையும் ஏற்படுத்தியுள்ளது.

இந்த வீடியோ சமூக வலைதளங்களில் வெளியான சில நிமிடங்களிலேயே வைரலானது. இதைப் பார்த்த நெட்டிசன்கள் பலவிதமான கருத்துகளைப் பகிர்ந்து வருகின்றனர். குறிப்பாக, “இங்கே என்ன நடந்து கொண்டிருக்கிறது?” என்று இந்தியில் நகைச்சுவையாகக் கேள்வியெழுப்பி வரும் ரசிகர்கள், நேரலை வர்ணனையில் இத்தகைய எதிர்பாராத தருணங்கள் நிகழ்வது தங்களுக்கு ஆச்சரியம் அளிப்பதாகத் தெரிவித்துள்ளனர்.

இந்நிலையில் ஒரு தரப்பினர் இவர்களின் அழகான நட்பைப் பாராட்டி வரும் வேளையில், மற்றொரு தரப்பினர் பிஎஸ்எல் களத்தில் நடக்கும் இத்தகைய கலகலப்பான மாற்றங்களைக் கண்டு மீம்களைப் பகிர்ந்து ட்ரெண்ட் செய்து வருகின்றனர்.