நீட் தேர்வு பயத்தால் பாட்னாவில் ஒரு மாணவி தற்கொலை செய்துகொண்ட சம்பவம் நாடு முழுவதும் அதிர்ச்சியை ஏற்படுத்தியுள்ளது. ஆனால், “இப்போதெல்லாம் இதுபோன்ற தற்கொலைகளை நாம் சாதாரணமாக எடுத்துக்கொள்கிறோம்; அதை இயல்பாக்கிவிட்டோம்” என்று நடிகை டாப்ஸி வேதனையுடன் தெரிவித்துள்ளார். தனது புதிய படமான ‘அஸ்ஸி’ படத்தின் புரமோஷனுக்காக பாட்னா வந்திருந்த அவர், செய்தியாளர்களிடம் பேசும்போது இந்த விவகாரத்தை மிகத் தீவிரமாக முன்வைத்தார்.

​”ஒரு உயிர் போவதை நாம் எண்ணிக்கையாக மட்டுமே பார்க்கிறோம், இது மிகப்பெரிய சமூக அவலம்” என்று கூறிய அவர், பெண்களுக்கு எதிரான பாலியல் வன்கொடுமைகள் குறித்தும் தனது ஆதங்கத்தைப் பகிர்ந்து கொண்டார். வரும் 20-ம் தேதி வெளியாகவுள்ள ‘அஸ்ஸி’ படத்தில் ஊழல் மற்றும் ஆணாதிக்கத்திற்கு எதிராகப் போராடும் வழக்கறிஞராக டாப்ஸி நடித்துள்ளார். நிஜ வாழ்க்கையிலும் அவர் நீட் தேர்வு மாணவர்களுக்காகக் குரல் கொடுத்திருப்பது சமூக வலைதளங்களில் பலத்த வரவேற்பைப் பெற்று வருகிறது.