பலரும் பிஎப் திட்டத்தை வெறும் சேமிப்பாக மட்டுமே கருதுகிறார்கள், ஆனால் இதில் EDLI திட்டத்தின் கீழ் ரூ. 7 லட்சம் வரை இலவச ஆயுள் காப்பீடு கிடைப்பது பலருக்குத் தெரிவதில்லை.

தனியார் அல்லது அரசு நிறுவனங்களில் பணியாற்றும் ஊழியர்கள் பணியில் இருக்கும்போது எதிர்பாராத விதமாக உயிரிழந்தால், அவர்களது குடும்பத்திற்கு நிதி உதவி அளிப்பதே இத்திட்டத்தின் நோக்கம்.

இதற்கு ஊழியர்கள் தனியாகப் பணம் ஏதும் செலுத்தத் தேவையில்லை, நிறுவனமே இதற்கான காப்பீட்டுத் தொகையைச் செலுத்துகிறது.

பிஎப் கணக்கு தொடங்கிய உடனே இந்த காப்பீடு தானாகவே அமலுக்கு வந்துவிடும் என்பது இதன் சிறப்பம்சமாகும்.

இந்தக் காப்பீட்டுத் தொகையானது ஊழியரின் கடைசி 12 மாத கால அடிப்படைச் சம்பளம் மற்றும் அகவிலைப்படி அடிப்படையில் கணக்கிடப்படுகிறது.

அதிகபட்சமாக ரூ. 7 லட்சம் வரை கிடைக்கும் இந்தத் தொகையை, ஊழியர் நியமித்த வாரிசுதாரர் பெற்றுக்கொள்ளலாம். எனவே, பிஎப் கணக்கில் இ-நாமினேஷன் செய்திருப்பது மிகவும் அவசியமாகும்.

உங்கள் குடும்பத்தின் எதிர்காலப் பாதுகாப்பிற்காக பிஎப் வழங்கும் இந்த மறைமுக நன்மையை உணர்ந்து, வாரிசுதாரர் விவரங்களைச் சரியாகப் பதிவேற்றம் செய்து வைப்பது நல்லது.