ஆடம்பரமான திருமணங்களுக்காகப் பல லட்சங்களைச் செலவழிக்கும் இந்தக் காலத்தில், தங்கள் எதிர்காலத்தைக் கருத்தில் கொண்டு ஒரு காதல் தம்பதி எடுத்த அறிவுப்பூர்வமான முடிவு சமூக வலைதளங்களில் பலரது பாராட்டுகளைப் பெற்று வருகிறது.
பிரம்மாண்டமான மண்டபம், அதிகப்படியான விருந்தினர்கள் எனப் பணத்தை வீணாக்காமல், அந்தப் பணத்தைச் சேமித்து தங்களுக்கு என ஒரு புதிய வீட்டை வாங்கியுள்ளனர். அந்தப் புதிய வீட்டிலேயே மிக எளிமையான முறையில், நெருங்கிய உறவினர்கள் முன்னிலையில் இவர்களது திருமணம் நடைபெற்றுள்ளது.
திருமணக் கொண்டாட்டங்களுக்காகச் செலவிடப்படும் பணம் வெறும் சில மணிநேர ஆடம்பரத்திற்காக மட்டுமே; ஆனால் ஒரு வீடு என்பது வாழ்நாள் முழுமைக்கும் பாதுகாப்பு தரும் என்ற இவர்களது முதிர்ச்சியான முடிவை இணையவாசிகள் கொண்டாடி வருகின்றனர்.
“திருமணம் என்பது கஷ்டப்பட்டு உழைத்த பணத்தை ஒரு நாளில் வீணாக்குவது அல்ல” என்றும், சமூகத்தின் எதிர்பார்ப்புகளுக்காக வாழாமல் எதிர்காலத்திற்காகச் சேமிப்பதே உண்மையான புத்திசாலித்தனம் என்றும் பலரும் கருத்து தெரிவித்து வருகின்றனர்.
View this post on Instagram
“>
ஆடம்பரத்தை விட அன்பும், பொருளாதார பாதுகாப்பும் தான் முக்கியம் என்பதை இந்தத் தம்பதி உலகுக்கு உணர்த்தியுள்ளனர்.
