அமமுக (AMMK) தேசிய ஜனநாயகக் கூட்டணியில் (NDA) இணைந்ததைத் தொடர்ந்து, சமூக வலைதளங்களில் ஒரு செய்தி காட்டுத்தீயாய் பரவியது. “அமமுகவுக்கு 8 தொகுதிகள் வரை ஒதுக்கப்படலாம்” என்பதுதான் அந்தச் செய்தி. ஆனால், இதற்கு டிடிவி தினகரன் அவர்கள் செம கூலாக ஒரு விளக்கம் அளித்துள்ளார். “நாங்க இப்போதைக்கு கூட்டணியில்தான் இணைந்திருக்கிறோம். தொகுதிப் பங்கீடு பற்றி இன்னும் பேச்சுவார்த்தையே ஆரம்பிக்கல, அதுக்குள்ள எப்படி நம்பர் வரும்?” எனப் பதிலடி கொடுத்துள்ளார். தொகுதிப் பங்கீடு குறித்து அதிகாரப்பூர்வமான அறிவிப்பு வரும் வரை, யாரும் ‘உண்மைக்கு புறம்பான’ செய்திகளைப் பரப்ப வேண்டாம் எனத் தொண்டர்களையும் பொதுமக்களையும் அன்போடு கேட்டுக்கொண்டுள்ளார்.
​
​தற்போது டிடிவி தினகரன் அவர்கள் கூட்டணியை உறுதிப்படுத்திய கையோடு, டெல்லியில் பியூஷ் கோயல் போன்ற முக்கியத் தலைவர்களைச் சந்தித்து வருகிறார். “பெரிய இலக்குகளை மனதில் வைத்துச் செயல்படும்போது, பழைய கசப்புகளை மறந்து பயணிக்க வேண்டும்” என அவர் கூறியுள்ளது அதிமுக – பாஜக – அமமுக என ஒரு வலுவான கூட்டணி உருவாவதைக் காட்டுகிறது. தொகுதிப் பங்கீடு முடிவானதும், அமமுகவின் செல்வாக்கு உள்ள தென் மாவட்டங்களில் அவர்கள் எத்தனை இடங்களைக் கைப்பற்றப் போகிறார்கள் என்பதுதான் இப்போதைய ஹாட் டாபிக்