முன்னாள் பாஜக மாநிலத் தலைவர் அண்ணாமலை, கடந்த 16 நாட்களுக்கும் மேலாகப் போராடி வரும் இடைநிலை ஆசிரியர்களைக் கைது செய்து வரும் திமுக அரசைக் கடுமையாக விமர்சித்துள்ளார்.

சம வேலைக்குச் சம ஊதியம் என்ற தேர்தல் வாக்குறுதியை நிறைவேற்றத் தவறிய முதல்வர் ஸ்டாலின், தனது தோல்வியை மறைக்கக் காவல்துறையை ஏவி ஆசிரியர்களை அச்சுறுத்துவதாக அவர் குற்றம் சாட்டியுள்ளார்.

குறிப்பாக, கைது செய்யப்பட்ட 7 ஆசிரியர் சங்க நிர்வாகிகள் குறித்து எந்தத் தகவலும் வெளியிடாதது ஜனநாயக விரோதச் செயல் என்று அவர் தனது எக்ஸ் தளத்தில் பதிவிட்டுள்ளார்.

மேலும், போராட்டத்தை நசுக்க நினைக்கும் திமுகவின் செயல்பாடு வெட்கக்கேடானது என்றும், கைது செய்யப்பட்ட ஆசிரியர்களை உடனடியாக விடுதலை செய்ய வேண்டும் என்றும் அண்ணாமலை வலியுறுத்தியுள்ளார்.

மக்களை அச்சுறுத்தும் இத்தகைய எதேச்சதிகார அரசியலுக்குத் தமிழக மக்கள் விரைவில் முடிவு கட்டுவார்கள் என்றும் அவர் எச்சரித்துள்ளார்.