உத்தரப்பிரதேசம் உன்னாவ் மாவட்டத்தில் காதல் தோல்வி காரணமாக நடந்த கொடூரம் ஒன்று உள்ளூர் மக்களிடம் அதிர்ச்சியை ஏற்படுத்தியுள்ளது. கடந்த செப்டம்பர் 21ஆம் தேதி மாலை, சதார் பகுதியில் உள்ள கிராமத்தில், வீட்டில் தனியாக இருந்த 13 வயது சிறுமி ஒருவர், அதே கிராமத்தைச் சேர்ந்த தோனி என்ற வாலிபரால் கொடூரமாக கொலை செய்யப்பட்டுள்ளார்.

காதலுக்குத் தயங்கியதற்காக, இரும்புக் கம்பியால் முகத்தில் பலமுறை அடித்து சிறுமியை படுகொலை செய்துள்ளார். சிறுமியின் தந்தை, உடல் மூலமாக சிக்கல் உள்ளவர், அன்று மாடுகளை மேய்க்க சென்றிருந்தார். மாலை வீட்டுக்கு வந்தபோது மகளின் சடலத்தை கண்டு பதறி போலீசில் புகார் அளித்தார்.

ஆரம்பத்தில் குடும்ப தகராறு காரணமாக உறவினர்கள் மீது சந்தேகம் தெரிவிக்கப்பட்டது. ஆனால், தந்தையின் மொபைல் CDR மூலம் விசாரணையை தீவிரப்படுத்திய போலீசார், இளைஞர் தோனி மீது சந்தேகம் வைத்து கைது செய்தனர்.

விசாரணையில், சிறுமியை விரும்பி வந்ததாகவும், அன்றைய தினம் அவரிடம் காதலை வெளிப்படுத்த முயன்றதாகவும், அவர் மறுத்ததும் அவரை தந்தையிடம் புகார் கூறுவதாகச் சொன்னதும், கோபமடைந்து இரும்புக் கம்பியால் அடித்து கொன்றதாகவும் தோனி ஒப்புக்கொண்டார்.

குற்றத்தில் பயன்படுத்தப்பட்ட இரும்புக் கம்பி போலீசாரால் பறிமுதல் செய்யப்பட்டது. தற்போது குற்றவாளி கைது செய்யப்பட்டு சிறையில் அடைக்கப்பட்டுள்ளதாக நகர சிஓ தீபக் யாதவ் தெரிவித்தார்.