ஜிஎஸ்டி திட்டத்தில் மாற்றம் செய்து, பல முக்கிய தேவையான பொருட்களுக்கான வரிகளை குறைத்துள்ளது ஒன்றிய அரசு. இது பொதுமக்களிடையே நெருக்கமான வரவேற்பைப் பெற்றுள்ளது.

இதனை தொடர்ந்து, முன்னாள் நிதியமைச்சரும் மூத்த காங்கிரஸ் தலைவருமான ப. சிதம்பரம் இன்று (செப். 4) செய்தியாளர்களை சந்தித்த போது, “8 ஆண்டுகளுக்கு முன்னர், ஜிஎஸ்டி கட்டணங்களை குறைக்க  வேண்டும் என்று நாங்கள் வலியுறுத்தினோம். ஆனால், அப்போது எதையும் கேட்காமல் அவர்கள் திட்டத்தை கடுமையாகவே செயல்படுத்தினார்கள்” எனத் தெரிவித்தார்.

மேலும், “இப்போது தான் அவர்கள் தனது தவறை உணர்ந்து, வரிகளில் திருத்தம் செய்து உள்ளனர். இதை நாங்கள் வரவேற்கிறோம். மக்களின் வாழ்வை பாதிக்கும் போக்கில் இருந்து ஒன்றிய அரசு திரும்பி, நியாயமான தீர்வை மேற்கொண்டு இருக்கிறது என்பது நல்ல முன்னேற்றம்” என கூறினார். பொருளாதார வளர்ச்சிக்கும், மக்களின் நலனுக்கும் இதுபோன்ற வரி சலுகைகள் அவசியமெனவும் அவர் தெரிவித்தார்.