தொகுதி மறுவரையறைக்கு எதிரான நாடாளுமன்ற உறுப்பினர்களின் கூட்டத்தை திமுக புறக்கணித்த விவகாரமும், அமைச்சர் அனிதா ராதாகிருஷ்ணனின் சமீபத்திய கருத்தும் தமிழக அரசியல் அரங்கில் பெரும் புயலைக் கிளப்பியுள்ளன. இந்தச் சூழலை மையமாக வைத்து, திமுகவுக்கும் பாஜகவுக்கும் இடையே மறைமுகக் கூட்டணி உள்ளதாகக் கடுமையான விமர்சனங்கள் எழுந்துள்ளன.

பாஜகவின் மக்கள் தொகை அடிப்படையிலான தொகுதி மறுவரையறைத் திட்டத்திற்கு எதிரான எதிர்க்கட்சிகளின் ஒருங்கிணைந்த எம்பிக்கள் கூட்டத்தில் திமுக பங்கேற்காதது ஏன் என்ற கேள்வி அரசியல் வட்டாரத்தில் எழுந்துள்ளது. “இன்னும் ஆறு மாதத்தில் திருச்சி சிவா உள்ளிட்டோர் மத்தியில் அமைச்சர்களாகப் பொறுப்பேற்பார்கள்” என்று அமைச்சர் அனிதா ராதாகிருஷ்ணன் தெரிவித்த கருத்து பெரும் விவாதத்தை ஏற்படுத்தியுள்ளது.

அடுத்த நாடாளுமன்றத் தேர்தல் 2029-ல் தான் வரவுள்ள நிலையில், அதற்கு முன்பாகவே மத்திய அமைச்சரவையில் திமுக எப்படிப் பங்குபெற முடியும் என்ற கேள்வி பரவலாக முன்வைக்கப்படுகிறது. தேர்தல் காலத்திற்கு முன்பே மத்திய அரசில் அமைச்சர் பதவி கிடைக்கும் வகையில் பேசப்படுவதும், முக்கியக் கூட்டங்களை திமுக தவிர்ப்பதும் இரு கட்சிகளுக்கும் இடையே ரகசியக் கூட்டணி இருப்பதற்கான அத்தாட்சியாக எதிர்க்கட்சிகளாலும் சமூக வலைதளப் பயனர்களாலும் சுட்டிக்காட்டப்பட்டு வருகின்றன.

“>

 

மாநிலத்தின் உரிமைகளைப் பாதிக்கும் விவகாரங்களில் திமுகவின் இந்த நடவடிக்கைகள் சந்தேகத்தை ஏற்படுத்துவதாகவும், இதுதொடர்பான தெளிவான விளக்கத்தை ஆளுங்கெல்லி அளிக்க வேண்டும் என்றும் கோரிக்கைகள் வலுத்து வருகின்றன.