திருமணம் என்றால் நம்பிக்கையிலும், வெளிப்படைத்தன்மையிலும் அமையும் உறவாக இருக்க வேண்டும். ஆனால், அந்த அடிப்படையையே சோதனையாக்கும் ஒரு சம்பவம் சமீபத்தில் வைரலாகி, பலரது கவனத்தையும் பெற்றுள்ளது.

28 வயதான பெண் ஒருவர், கடந்த 5 ஆண்டுகளாக காதலித்து வந்த தனது வருங்கால கணவருடன் திருமணம் செய்துகொள்ள தயாராக இருந்தார். இரு குடும்பங்களும் திருமண ஏற்பாடுகளில் முழுமையாக ஈடுபட்டிருந்த நிலையில், திருமணத்திற்கு வெறும் ஒரு வாரம் மட்டுமே இருந்தது.

ஆனால் அதற்குள் அந்த பெண்ணுக்குத்  – அவரது தந்தையும், வருங்கால கணவர் இருவரும், தனது அறிவின்றி, ரகசிய நிதி ஒப்பந்தத்தில் கையெழுத்துப் போட்டிருப்பது தெரிய வந்தது. மேலும் வருங்காலக்கணவர் அவரது  தந்தையிடம் ஒரு பெரிய தொகையையும் பெற்றுள்ளார்.

இதுகுறித்து தனது சமூக ஊடக பதிவில் அந்தப் பெண் கூறியதாவது: “என் வாழ்க்கையைப் பற்றிய ஒரு பெரிய முடிவை எனது அன்புக்குரிய நபரும், என் சொந்த தந்தையும் சேர்ந்து எனக்குத் தெரியாமலே எடுத்து இருப்பது எனக்கு பெரும் வலியைக் கொடுத்தது.

ஒரு உறவில் ஆரம்பத்திலேயே நம்பிக்கை இல்லை என்றால், வாழ்க்கையில் எப்போதும் சந்தேகம் தான் இருக்கும் என்பதால்தான் நான் இந்த திருமணத்தை நிறுத்துகிறேன்.”

இந்த பதிவு வைரலானதும், சமூக வலைதளங்களில் பெரும் ஆதரவு குவிந்தது. “இது போல நேர்மையான முடிவை எடுப்பது எளிதல்ல. உங்களின் துணிச்சலுக்கு வணக்கம்,” என ஒரு பயனர் குறிப்பிட்டுள்ளார்.

இன்னொருவர், “உங்கள் வாழ்க்கையை மற்றவர்கள் ரகசியமாக தீர்மானிக்க முடியாது – சரியான நேரத்தில் சரியான முடிவை எடுத்திருக்கிறீர்கள்,” எனக் கருத்து தெரிவித்தார்.

இக்கதை, நம்பிக்கையின் மீது சாய்ந்த உறவுகளில் வெளிப்படைத்தன்மை மற்றும் மரியாதை இல்லாமல் எந்த உறவும் நிலைத்திருக்க முடியாது என்பதற்கான முக்கிய எடுத்துக்காட்டாக அமைந்துள்ளது.