கார்ப்பரேட் அலுவலகங்களில் நிலவும் பணிச் சுமை மற்றும் மன அழுத்தத்தில் இருந்து விடுபட ஊழியர்கள் பல்வேறு வழிகளைக் கையாள்வது வழக்கம். அந்த வகையில், அலுவலகத்தில் தங்களது வழக்கமான பணிகளைத் தற்காலிகமாக ஓரம் கட்டிவிட்டு, சக ஊழியர்கள் அனைவரும் ஒன்று சேர்ந்து ‘பக்கோடா பார்ட்டி’ நடத்திய வினோதமான வீடியோ ஒன்று தற்போது சமூக வலைத்தளங்களில் வைரலாகி வருகிறது. லேப்டாப் மற்றும் கணினிகளுக்கு நடுவே, அலுவலக மேஜையிலேயே மின்சார அடுப்பை வைத்து, ஊழியர்கள் சிலர் சுடச்சுட உருளைக்கிழங்கு மற்றும் வெங்காய பக்கோடாக்களை மிகவும் உற்சாகமாகச் சுட்டுக் கொண்டிருக்கின்றனர். மற்ற ஊழியர்கள் தங்களுக்குப் பிடித்த பக்கோடாக்களைத் தட்டுகளில் வாங்கி ருசித்தபடி அரட்டை அடிக்கும் இந்தக் காட்சிகள் பார்ப்போரைக் கவரும் வகையில் அமைந்துள்ளன.
https://www.instagram.com/reel/DZP0kRysWHq/?igsh=aDRyMmp4NjRxdHlt
சமூக வலைத்தளமான இன்ஸ்டாகிராமில் பகிரப்பட்ட இந்த வீடியோ, குறுகிய நேரத்திற்குள் லட்சக்கணக்கான பார்வைகளைப் பெற்று நெட்டிசன்களிடையே பெரும் வரவேற்பைப் பெற்றுள்ளது. இந்த வீடியோவைப் பார்த்த பல கார்ப்பரேட் ஊழியர்கள், “எங்கள் அலுவலகத்திலும் இது போன்ற ஒரு மாற்றமும், பார்ட்டியும் தேவை” என்று தங்களது விருப்பங்களைத் தெரிவித்து வருகின்றனர். மேலும் சிலர், “வேலையின் சலிப்பைத் தட்ட மிகச்சிறந்த வழி இதுதான்” என்றும், “அலுவலகத்தில் ஐடி ஊழியர்கள் பக்கோடா கடை ஆரம்பித்துவிட்டார்கள்” என்றும் வேடிக்கையான கமெண்ட்டுகளைப் பதிவிட்டு வருகின்றனர். பணிச் சூழலை மகிழ்ச்சியாக மாற்ற ஊழியர்கள் எடுத்த இந்த புதுமையான முயற்சி, தற்பொழுது இணையத்தில் பெரும் விவாதப் பொருளாகவும், ட்ரெண்டிங்காகவும் மாறியுள்ளது.
