சமூக வலைதளங்களில் லைக்ஸ் மற்றும் வியூஸ்களுக்காக இன்றைய இளைஞர்கள் எதையும் செய்யத் துணிந்துவிடுகின்றனர். அத்தகைய ஆபத்தான மற்றும் விசித்திரமான ஒரு முயற்சிதான் இந்த ஆண்டு ஹோலிகா தகனத்தின் போது அரங்கேறியுள்ளது. வைரலாகி வரும் அந்த வீடியோவில், சில இளைஞர்கள் பைக்கில் அமர்ந்தபடி எரியும் ஹோலிகா நெருப்புக்கு மிக அருகில் செல்கின்றனர். நெருப்பில் சடங்கு முறைப்படி தானியங்களைப் போட முயன்ற அவர்களது இந்த முயற்சி, எதிர்பாராத விதமாக ஒரு ஆபத்தான ஸ்டன்ட் காட்சியாக மாறி அனைவரையும் அதிரவைத்துள்ளது.
இந்த வீடியோ இணையத்தில் பரவியதுமே நெட்டிசன்கள் தங்களது கடும் கண்டனங்களை பதிவு செய்து வருகின்றனர். “பண்டிகையைக் கொண்டாடுவதற்கும் ஒரு முறை இருக்கிறது, இது போன்ற பொறுப்பற்ற செயல்கள் உயிருக்கே ஆபத்தாக முடியும்” என்று பலரும் எச்சரித்து வருகின்றனர். இன்னும் சிலர், இதுபோன்ற ஆபத்தான செயல்களில் ஈடுபடுவோர் மீது காவல்துறை கடுமையான நடவடிக்கை எடுக்க வேண்டும் என்றும் கோரிக்கை விடுத்துள்ளனர். ஒரு சிறு கவனக்குறைவு கூட பெரும் விபத்தாக முடியக்கூடும் என்பதால், கொண்டாட்டங்களின் போது பாதுகாப்பிற்கு முக்கியத்துவம் அளிக்க வேண்டும் என்பதை இந்தச் சம்பவம் உணர்த்துகிறது.
