தமிழகத்தில் தங்கம் மற்றும் வெள்ளியின் விலை இன்று (டிசம்பர் 26) முன்னெப்போதும் இல்லாத வகையில் ஒரு புதிய வரலாற்று உச்சத்தைத் தொட்டு சாமானிய மக்களை நிலைகுலையச் செய்துள்ளது. ஆபரணத் தங்கத்தின் (22 கேரட்) விலை இன்று ஒரு கிராமுக்கு ₹70 உயர்ந்து ₹12,890-க்கும், ஒரு சவரன் ₹560 உயர்ந்து ₹1,03,120-க்கும் விற்பனை செய்யப்படுகிறது. கடந்த சில மாதங்களாகவே ஏற்ற இறக்கத்துடன் காணப்பட்ட தங்கம் விலை, இன்று சவரன் ஒரு லட்சம் ரூபாயைத் தாண்டி புதிய மைல்கல்லை எட்டியுள்ளது நகை வாங்குவோரிடையே அதிர்ச்சியை ஏற்படுத்தியுள்ளது.
​
தங்கத்திற்குப் போட்டியாக வெள்ளியின் விலையும் இன்று அதிரடியாக உயர்ந்துள்ளது. ஒரு கிராம் வெள்ளி ₹9 உயர்ந்து ₹254-க்கும், ஒரு கிலோ வெள்ளி ஒரே நாளில் ₹9,000 உயர்ந்து ₹2,54,000-க்கும் விற்பனையாகிறது. தங்கம் மற்றும் வெள்ளி என இரண்டுமே ஒரே நாளில் தாறுமாறாக விலை உயர்ந்திருப்பது, இல்லத்தரசிகள் மற்றும் நடுத்தர வர்க்கத்தினரின் பட்ஜெட்டைப் பதம் பார்த்துள்ளது. சர்வதேச சந்தையில் நிலவும் மாற்றங்கள் காரணமாக இந்த அதிரடி விலை உயர்வு ஏற்பட்டுள்ளதாகக் கூறப்படுகிறது.