வடகிழக்கு பருவமழை  தொடங்குவதால் நகராட்சி நிர்வாகத்தினர் முழுமையான முன்னெச்சரிக்கை நடவடிக்கைகளை எடுக்க வேண்டும் என்று அமைச்சர்  செந்தில் பாலாஜி உத்தரவிட்டுள்ளார். அவசர சந்தர்ப்பங்களில் பயன்படும் JCB, கிரேன் போன்ற வாகனங்களின் உரிமையாளர்களின் தொடர்பு எண்கள் கொண்டிருப்பது முக்கியம் என அவர் குறிப்பிட்டுள்ளார்.

மேலும், மின்சாரம் சம்பந்தமான அவசர தேவைகளுக்கு வாக்கி டாக்கி போன்ற கம்ப்யூனிகேஷன் உபகரணங்களை பயன்படுத்த வேண்டும். இது அவசர தகவல்களை விரைவாக பரிமாற உதவும். இந்தக் கருவிகளின் மூலம் பருவமழையால் ஏற்படும் மின் கோளாறுகளைத் தடுக்கும் முயற்சிகள் எளிதாகும் என்று கூறியுள்ளார்.

அதிகரிக்கும் மழை வெள்ளத்தில் மேல்நிலை மின் கம்பிகள் குறைந்த உயரத்தில் தொங்குவதால் ஏற்படும் ஆபத்துகள் பற்றி எச்சரித்து, அவை அறுந்து விழுவதைத் தடுக்க உரிய நடவடிக்கைகளை எடுத்துக் கொள்ள வேண்டும் என்று அவர் வலியுறுத்தினார்.