பாட்டாளி மக்கள் கட்சியின் , நிறுவனர் டாக்டர் ராமதாஸும் அவரது மகன் அன்புமணிக்கும்  இடையே தொடர்ச்சியான கருத்து முரண்பாடுகள் நிலவி வருகின்றன. சமீபத்தில் குடும்ப உறுப்பினர்கள் மற்றும் நெருங்கியவர்களின் நடத்திய சமரச முயற்சி தோல்வியடைந்த நிலையில், அன்புமணி தனது பெயர் மற்றும் பதவியை இனி யாரும் பயன்படுத்தக் கூடாது என அறிவித்துள்ளார். இதையடுத்து, தன்னை ஆதரிக்கும் நிர்வாகிகளுடன் ஆலோசனையில் ஈடுபட்ட அவர், நாளை முதல் ‘உரிமை மீட்பு பயணம்’ என்ற பெயரில் தமிழகம் முழுவதும் பிரசாரம் மேற்கொள்ள உள்ளதாக அறிவித்துள்ளார்.

இந்நிலையில், அன்புமணி பா.ம.க. கட்சியின் கொடியை பயணத்திற்குள் பயன்படுத்தும் முடிவுக்கு கடும் எதிர்ப்பு தெரிவித்துள்ள நிறுவனர் ராமதாஸ், இது கட்சியின் தன்னிச்சையான செயல்பாடாகும் எனக் கண்டித்துள்ளார். மேலும், அன்புமணி தனது பயணத்தின் போது பா.ம.க. நிர்வாகிகளை சந்திப்பதும் தவறானது எனவும், இது கட்சியின் ஒற்றுமையை பாதிக்கும் செயலாகும் எனவும் வலியுறுத்தியுள்ளார்.

இதனையடுத்து, அன்புமணியின் பயணத்தை தடுக்க வேண்டும் எனக்கோரி, டிஜிபி அலுவலகத்திற்கு நேரில் சென்று மனுவும் வழங்கியுள்ளார். கட்சி நிறுவனத்தின் அனுமதியின்றி நடைபெறும் இந்த பயணம் சட்ட விரோதமாகும் என்பதையும், கட்சி கையாளும் கொடியைப் பயன்படுத்த அனுமதி வழங்கப்படவில்லை என்றும் ராமதாஸ் தனது மனுவில் தெளிவுபடுத்தியுள்ளார். இது பா.ம.க.வில் பெரும் உள்நாட்டு பூகம்பத்தை உருவாக்கி, எதிர்கால அரசியல் சூழ்நிலைக்கு பாதிப்பை ஏற்படுத்தக்கூடியதாகும் என பரபரப்பாக பேசப்படுகிறது.