வயது அதிகரிக்கும்போது ஆண்களின் மூளை பெண்களைவிட வேகமாக சுருங்கும் என்பதை நார்வே ஒஸ்லோ பல்கலைக்கழக நரம்பியல் ஆய்வாளர்கள் கண்டறிந்துள்ளனர். 17 முதல் 95 வயதுடைய 4,726 ஆரோக்கிய நபர்களின் மூளை ஸ்கேன்களை பகுப்பாய்வு செய்ததில், ஆண்களின் பல்வேறு மூளை பகுதிகளில் வேகமான சரிவு நிகழும் என்றும், பெண்களில் இது மெதுவாக நடைபெறும் என்றும் தெரிவிக்கப்பட்டுள்ளது.

ஆய்வாளர்கள் 12,000 க்கும் மேற்பட்ட MRI ஸ்கேன்களை பகுப்பாய்வு செய்தனர். குறைந்தது இரண்டு ஸ்கேன்கள் சுமார் 3 வருட இடைவெளியில் எடுக்கப்பட்டவை. பாலின அடிப்படையிலான மூளை அளவு வேறுபாடுகளை கணக்கிட்ட பிறகு, ஆண்களின் மூளை வயதான காலத்தில் அதிகளவில் குறைந்தது, குறிப்பாக புறணி பகுதி பாதிக்கப்பட்டது.

பெண்களின் மூளை சரிவு குறைவானது, பாதிக்கப்பட்ட பகுதிகள் குறைவானது மற்றும் புறணி தடிமன் குறைவான மாற்றத்தைக் காட்டியது. இது தொடர்பாக ஆய்வாளர்கள் தெரிவித்ததாவது, ஆண்களின் வேகமான மூளைச் சுருக்கு அவர்களை அல்சைமர் அபாயத்தில் வைக்கக்கூடும். பெண்கள் மெதுவான சுருக்கு காண்பதால், அவர்களுக்கு அல்சைமர் இருப்பது கண்டறியப்படுவதற்கான வாய்ப்பு இரட்டிப்பு அதிகமாக இருக்கிறது.

நினைவாற்றல் மற்றும் கற்றலுக்கு முக்கியமான ஹிப்போகேம்பஸ் பகுதியின் கன அளவு மாற்றங்களில் பாலின வேறுபாடு காணப்படவில்லை. ஆய்வில், பெண்கள் ஹிப்போகேம்பஸில் வேகமாகக் குறையும் போதிலும், இது அவர்களின் நீண்ட ஆயுளுடன் தொடர்புடையதோடு, டிமென்ஷியா அபாயத்தைக் குறிக்கலாம் என ஆராய்ச்சியாளர்கள் கூறியுள்ளனர்.

2019 ஆம் ஆண்டில் நரம்பியல் மற்றும் மனநல ஆய்வுகளில் 5% ஆய்வுகளில்தான் பாலின தாக்கங்கள் ஆராயப்பட்டுள்ளன. முந்தைய ஆய்வுகள் முரண்பட்ட முடிவுகளை வழங்கியுள்ளதால், இந்த புதிய ஆய்வு ஆண்களும் பெண்களும் மூளைச் சிதைவில் வேறுபடுகிறார்களா என்பதை தெளிவுபடுத்துகிறது.

மேலும் பெண்களின் மூளை மெதுவாக குறைவதால், அவர்களுக்கு அல்சைமர் அதிகம் ஏற்படுவதை இது விளக்கக்கூடும். இதுபோன்ற ஆய்வுகள் மூளை முதுமையைப் புரிந்துகொள்ள முக்கியமாகும்,” என ஒஸ்லோ பல்கலைக்கழக நரம்பியல் இணைஆசிரியர் ஆன் ராவ்ண்டால் தெரிவித்தார்.