தமிழ்நாடு மாநில தகவல் ஆணையத்தில் காலியாக இருந்த ஆணையர் பணியிடங்களை நிரப்புவதற்காக, இரண்டு முக்கிய ஓய்வு பெற்ற அதிகாரிகளை நியமித்து தமிழக அரசு அதிரடி உத்தரவு பிறப்பித்துள்ளது.

ஓய்வு பெற்ற ஐஏஎஸ் அதிகாரி அதுல்யா மிஸ்ரா மற்றும் ஓய்வு பெற்ற ஐபிஎஸ் அதிகாரி அபய் குமார் சிங் ஆகியோர் புதிய மாநில தகவல் ஆணையர்களாக நியமிக்கப்பட்டுள்ளனர்.

முதல்வர் மு.க.ஸ்டாலின் தலைமையிலான தேர்வுக் குழுவின் பரிந்துரையின் அடிப்படையில் இந்த நியமனங்கள் மேற்கொள்ளப்பட்டுள்ளன.

மாநில தகவல் ஆணையத்தில் தலைமை தகவல் ஆணையர் மற்றும் ஆணையர்கள் எனப் பல இடங்கள் காலியாக இருந்த நிலையில், நிர்வாகப் பணிகளை வேகப்படுத்தவும், தகவல் அறியும் உரிமைச் சட்டத்தின் கீழ் (RTI) வரும் மனுக்களுக்கு விரைவாகத் தீர்வு காணவும் இந்த நடவடிக்கை எடுக்கப்பட்டுள்ளது.

ஐஏஎஸ் மற்றும் ஐபிஎஸ் துறைகளில் நீண்ட அனுபவம் கொண்ட இந்த இரு அதிகாரிகளின் நியமனம், தகவல் ஆணையத்தின் செயல்பாடுகளை அடுத்த கட்டத்திற்கு எடுத்துச் செல்லும் என எதிர்பார்க்கப்படுகிறது.