அதிமுக கட்சியின் முன்னாள் அமைச்சர் ராஜேந்திர பாலாஜி விருதுநகரில் நேற்று செய்தியாளர்களை சந்தித்து பேசினார். அவர் பேசியதாவது, அடுத்து வரும் 2026 ஆம் ஆண்டு சட்டசபை தேர்தலுக்காக அதிமுக மற்றும் பாஜக கூட்டணி வைத்துள்ளது. கூட்டணி அமைத்துள்ளதால் இனி பாஜகவின் பிரச்சனையை அதிமுக பேசத்தான் செய்யும். அதேபோன்று அதிமுகவின் பிரச்சனையை பாஜகவும் பேசும்.

பாஜக என்ன தீண்ட தகாத கட்சியா.? மீண்டும் அதிமுக மற்றும் பாஜக கூட்டணி அமைத்துள்ளதால் திமுகவினர் பயத்தில் இருக்கின்றனர். காலமும் சூழலும் மாறும்போது கண்டிப்பாக கூட்டணி அமைக்க வேண்டிய சூழலும் மாறும் என்று கூறினார்..