கோவை பெரியநாயக்கன்பாளையத்தைச் சேர்ந்த மின்வாரிய அதிகாரி கமலேஷ், தற்கொலை செய்து கொள்வதற்கு முன்னதாக, “நாங்கள் அனைவரும் சாகப் போகிறோம்” என்று உருக்கமாக வீடியோ பதிவு செய்து தனது உறவினர்களுக்கு அனுப்பியுள்ளார். அந்த வீடியோவைப் பார்த்துத் துடிதுடித்துப் போன உறவினர்கள், அடுத்த நிமிடமே அவரது வீட்டிற்கு விரைந்துள்ளனர். ஆனால், அவர்கள் அங்கு செல்வதற்கு முன்பே கமலேஷ், அவரது மனைவி இலக்கியா மற்றும் 10 வயது மகள் ஏஞ்சல் ஆகிய மூவரும் விஷம் அருந்தி சடலங்களாகக் கிடந்தனர். அந்த வீடியோவில் அவர் பேசிய வார்த்தைகள் மற்றும் அந்தச் சூழல் தற்போது போலீஸ் விசாரணையில் மிக முக்கிய ஆதாரமாக மாறியுள்ளது.

​ஒரு தற்கொலை முடிவை எடுக்கும் அளவுக்கு அந்த அதிகாரியின் குடும்பத்திற்கு அப்படி என்ன நெருக்கடி ஏற்பட்டது என்பதுதான் தற்போதைய மர்மமாக உள்ளது. உறவினர்களுக்கு வீடியோ அனுப்பி எச்சரித்த போதிலும், யாராலும் அவர்களைக் காப்பாற்ற முடியாமல் போனது பெரும் சோகத்தை ஏற்படுத்தியுள்ளது. குறிப்பாக, அந்தப் பிஞ்சு குழந்தை ஏஞ்சலின் உயிர் பறிபோனதை அந்தப் பகுதி மக்களால் தாங்கிக் கொள்ளவே முடியவில்லை. தற்கொலை என்பது ஒருபோதும் தீர்வாகாது; எப்பேர்ப்பட்ட பிரச்சினையாக இருந்தாலும் மனம் திறந்து பேசினால் ஒரு வழி பிறக்கும் என்பதற்கு இந்தத் துயரச் சம்பவமே ஒரு பாடம்.