திருவள்ளூர் மாவட்டம் மஞ்சங்கரணையில் உள்ள தனியார் ஆலை ஒன்றில் அண்மையில் நேரிட்ட பயங்கர அம்மோனியா வாயு கசிவு விபத்தில் சிக்கி இதுவரை 6 பேர் பரிதாபமாக உயிரிழந்துள்ள சோகமான சூழ்நிலையில், இந்த விவகாரத்தில் தற்போது புதிய அதிரடி திருப்பமாக ஆலைக்குள் இருந்த இறால் மாதிரிகள் ஆய்வகத்திற்கு அனுப்பி வைக்கப்பட்டுள்ளது.

வாயு கசிவு விபத்து ஏற்பட்ட அந்த ஆலையிலிருந்து உணவு பாதுகாப்புத் துறை அதிகாரிகள் நேரடியாகக் களமிறங்கி, அங்குள்ள இறால் மாதிரிகளைச் சேகரித்து தீவிர ஆய்விற்காக எடுத்துச் சென்றுள்ளனர்.

நச்சு வாயு கசிந்த நேரத்தில் அங்கிருந்த உணவுப் பொருட்கள் மற்றும் இறால்கள் எந்த அளவுக்குப் பாதிக்கப்பட்டுள்ளன, அவற்றால் வேறு ஏதேனும் ஆபத்துகள் உள்ளதா என்பதைக் கண்டறியும் நோக்கில் இந்த மாதிரிகள் ஆய்வகத்திற்கு அனுப்பி வைக்கப்பட்டுள்ளதாகத் தெரிகிறது.

பெரும் சோகத்தை ஏற்படுத்திய இந்த விபத்து குறித்து அதிகாரிகள் தொடர்ந்து தீவிரமாக விசாரணை நடத்தி வரும் நிலையில், இந்தத் தகவல் தற்போது சோசியல் மீடியாவிலும், அப்பகுதி பொதுமக்களிடையேயும் பெரும் விவாதப் பொருளாக மாறியுள்ளது.