உத்தரபிரதேச மாநிலம் ஔரையா மாவட்டத்தில் உள்ள ஒரு கிராமத்தில் கோலாகலமாகத் திருமண ஏற்பாடுகள் செய்யப்பட்டிருந்தன.

மேலும் உறவினர்கள் மற்றும் நண்பர்கள் சூழ, மணமேடையில் மணமகன் மற்றும் மணமகளுக்கு இடையே மாலை மாற்றும் ‘ஜெயமால்’ சடங்கு உட்பட பல முக்கிய சடங்குகள் மிக மகிழ்ச்சியாக நடந்து முடிந்தன. நாதஸ்வரம் மற்றும் மங்கள வாத்தியங்கள் முழங்க, திருமணம் முடியும் தருவாயில் இருந்த அந்தச் சமயத்தில், திடீரென மணமகள் இந்தத் திருமணத்தை நிறுத்தப்போவதாகக் கூறி அதிர்ச்சி அளித்தார்.

இந்தத் திருமண முறிவுக்கு முக்கியக் காரணம், மணமகன் வீட்டார் மணமகளுக்குக் கொண்டு வந்த ‘சடங்கு சீர்வரிசை’ தொடர்பான தகராறு ஆகும். மணமகன் வீட்டார் மணமகளுக்குக் கொண்டு வந்த நகைகள் மற்றும் உடைகள் மணமகள் வீட்டாருக்குத் திருப்தி அளிக்கவில்லை என்று கூறப்படுகிறது.

இது தொடர்பாக இருவீட்டாருக்கும் இடையே மேடையிலேயே கடுமையான வாக்குவாதம் ஏற்பட்டு, விவாதம் எல்லை மீறிச் சென்றது. இதனால் ஆத்திரமடைந்த மணமகள், சீர்வரிசைப் பொருட்களுக்காக இவ்வளவு தரம் தாழ்ந்து சண்டை போடும் நபருடன் வாழ முடியாது என்று கூறி, திருமணத்தை முற்றிலும் நிராகரித்து மேடையை விட்டு வெளியேறினார்.