ஐபிஎல் 2026 தொடரின் பரபரப்பான சூழலுக்கு மத்தியிலும், ராயல் சேலஞ்சர்ஸ் பெங்களூரு நட்சத்திர வீரர் விராட் கோலி தனது நகைச்சுவையான செயலால் ரசிகர்களையும் சக வீரர்களையும் குஷிப்படுத்தியுள்ளார்.

ஒரு முக்கியமான போட்டிக்கு முன்னதாக நடந்த பயிற்சியின் போது, கோலி மிகவும் விசித்திரமான மற்றும் வேடிக்கையான முறையில் நடந்து காட்டி அங்கிருந்தவர்களை சிரிக்க வைத்தார்.

மைதானத்தில் எப்போதும் ஆக்ரோஷமாகத் தெரியும் கோலி, பயிற்சியின் போது இப்படி ஜாலியாக வலம் வந்த வீடியோ சமூக வலைதளங்களில் வெளியாகி தற்போது செம வைரலாகி வருகிறது.

கோலியின் இந்த ‘லூட்டி’யைப் பார்த்த ஆர்சிபி வீரர்கள் மற்றும் பயிற்சியாளர்கள் தங்கள் சிரிப்பைக் கட்டுப்படுத்த முடியாமல் வயிறு குலுங்க சிரித்தனர். கிரிக்கெட் களத்தில் எவ்வளவு தீவிரம் காட்டினாலும், ஓய்வு நேரங்களில் சக வீரர்களை உற்சாகப்படுத்துவதிலும் கோலி கில்லாடி என்பதை இந்தச் சம்பவம் மீண்டும் நிரூபித்துள்ளது.

“>

 

இந்த வீடியோவைப் பார்த்த ரசிகர்கள், “கிங் கோலி எப்போதும் எண்டர்டெய்னர் தான்” எனப் பாராட்டி கருத்துக்களைப் பதிவிட்டு வருகின்றனர்.

கோலியின் இத்தகைய குறும்புத்தனமான வீடியோக்கள் ஆர்சிபி அணியின் கேம்ப் சூழலை மிகவும் கலகலப்பாக மாற்றியுள்ளது.