கள்ளக்குறிச்சி பேருந்து நிலையத்தில் வைத்து, தமிழ்நாடு காவல்துறையின் சிறப்புப் பிரிவான ‘சிங்கப்பெண்’ அதிரடிப்படையினர் பொதுமக்களுக்கு மிகக் காத்திரமான விழிப்புணர்வு நிகழ்ச்சி ஒன்றை நடத்தினர்.
பெண்களுக்கு எதிரான குற்றங்களைத் தடுக்கவும், அவர்களுக்குப் பாதுகாப்பு உணர்வை ஏற்படுத்தவும் உருவாக்கப்பட்ட இந்த ‘சிங்கப்பெண்’ திட்டம் குறித்து, பேருந்து நிலையத்தில் குழுமியிருந்த ஏராளமான பொதுமக்கள் மத்தியில் பெண் போலீசார் விளக்கிக் கூறினர்.
குறிப்பாகப் பேருந்துகள் மற்றும் பொது இடங்களில் பெண்களுக்கு ஏற்படும் பிரச்சனைகளை எப்படி எதிர்கொள்வது, அவசர காலங்களில் காவல்துறையைத் தொடர்பு கொள்வது எப்படி போன்ற விபரங்கள் குறித்து மிகத் தெளிவான முறையில் விழிப்புணர்வு ஏற்படுத்தப்பட்டது.
சிங்கப்பெண் அதிரடிப்படையினரின் இந்தத் திடீர் கள ஆய்வு மற்றும் விழிப்புணர்வு நடவடிக்கை, பேருந்து நிலையத்திற்கு வந்திருந்த பொதுமக்கள் குறிப்பாகப் பெண்கள் மத்தியில் பெரும் வரவேற்பைப் பெற்றது.
