பெங்களூரு கோரம்மலா பகுதியில் உள்ள கூட்டு வசிக்கும்  விடுதி ஒன்றில் தங்கியிருந்த இளம் பெண்களின் அறைக்குள் நுழைந்த நபர் ஒருவர், அவர்களின் அந்தரங்கப் பொருட்களைத் திருடி அநாகரீகமான செயல்களில் ஈடுபட்ட சம்பவம் பெரும் அதிர்ச்சியையும் கொந்தளிப்பையும் ஏற்படுத்தியுள்ளது. ஆந்திரப் பிரதேசத்தைச் சேர்ந்த 35 வயதான கிரி ராஜ் டி என்பவரே இந்தச் செயலில் ஈடுபட்டது விசாரணையில் தெரியவந்துள்ளது.

பாதிக்கப்பட்ட பெண்கள் இருவரும் வழக்கம்போல் தங்கள் அறைக்குக் குளிச்கிடாமல் பூட்டாமல் அலுவலகத்திற்குச் சென்ற நேரத்தைத் தங்களுக்குச் சாதகமாகப் பயன்படுத்திக் கொண்ட அந்த நபர், அவர்களின் அறைக்குள் அத்துமீறி நுழைந்து இந்த விகாரமான காரியத்தைச் அரங்கேற்றியுள்ளார்.

வேலை முடித்துவிட்டுத் திரும்பிய பெண் தனது பொருட்கள் கலைக்கப்பட்டிருப்பதைக் கண்டு அதிர்ச்சியடைந்து விடுதி நிர்வாகத்திடம் புகார் அளித்துள்ளார். இதனையடுத்து விடுதியில் உள்ள சிசிடிவி  காட்சிகளை ஆய்வு செய்தபோது, அதே கட்டிடத்தின் மற்றொரு தளத்தில் தங்கியிருக்கும் கிரி ராஜ் அந்த அறைக்குள் நுழைந்து அப்பெண்களின் அந்தரங்கப் பொருட்களுடன் அசிங்கமான முறையில் நடந்து கொண்டது தெளிவாகப் பதிவாகியிருந்தது.

ஆரம்பத்தில் இந்த விவகாரத்தை வெளியே சொல்லாமல் விட்டாலும், அடுத்த நாளும் மீண்டும் அதே நபர் அறைக்குள் நுழைய முயன்றதால் பயந்துபோன பாதிக்கப்பட்ட பெண் காவல் நிலையத்தில் அதிகாரப்பூர்வமாகப் புகார் அளித்துள்ளார்.

புகாரின் அடிப்படையில் விரைந்து செயல்பட்ட கோரம்மலா போலீசார், குற்றவாளி கிரி ராஜை அதிரடியாகக் கைது செய்து நீதிமன்றக் காவலில் அடைத்துள்ளனர். தான் ஒரு நகைக்கடை ஷோரூமில் தணிக்கையாளராக  வேலை பார்ப்பதாகத் தெரிவித்த குற்றவாளி, இதுபோன்று பலமுறை அந்தப் பெண்களின் அறைக்குள் நுழைந்து அவர்களின் உடமைகளைத் திருடியுள்ளதாக ஒப்புக்கொண்டுள்ளான். பெண்களின் பாதுகாப்பைக் கேள்விக்குறியாக்கும் இந்தச் சம்பவம் பெங்களூருவில் பெரும் பரபரப்பை ஏற்படுத்தியுள்ளதுடன், விடுதிகளில் தங்கியிருக்கும் பெண்களின் பாதுகாப்பு குறித்துப் பலத்த கேள்விகளை எழுப்பியுள்ளது.