கண்ணாடிக்கு முன்னால் தற்செயலாக நிறுத்தப்பட்ட பாம்பு ஒன்று, அதில் தெரிந்த தனது சொந்த பிம்பத்தைப் பார்த்துத் திகைத்து, சீறிப் பாய்ந்து தாக்கும் அதிர்ச்சி தரும் வீடியோ ஒன்று இணையத்தில் வெளியாகி பெரும் வைரலாகி வருகிறது.

வழக்கமாக மனிதர்களையோ அல்லது பிற விலங்குகளையோ கண்டு படமெடுத்து ஆடும் பாம்புகள், தன் சொந்த நிழலையே எதிரி என்று நினைத்துக் கொண்டு ஆக்ரோஷமாகத் தாக்குவதைப் பார்த்த இணையவாசிகள் பெரும் ஆச்சரியத்தில் மூழ்கியுள்ளனர்.

அந்த வீடியோவில், ஒரு பெரிய நாகப்பாம்பின் முன்னால் பெரிய கண்ணாடி ஒன்று வைக்கப்பட்டுள்ளது. அதில் தனது உருவம் தெரிவதைக் கண்ட பாம்பு, அதை மற்றொரு பாம்பு என்று தவறாகப் புரிந்துகொண்டு உடனடியாகப் படமெடுத்து ஆக்ரோஷமான நிலைக்கு மாறுகிறது.

கண்ணாடியில் தெரியும் பிம்பமும் அதேபோலப் படமெடுத்து நிற்பதைப் பார்த்து மேலும் ஆத்திரமடைந்த அந்தப் பாம்பு, நொடிப்பொழுதில் கண்ணாடியை நோக்கிச் சீறிப் பாய்ந்து கொத்த முயல்கிறது. பாம்பு காட்டும் இந்தத் த்ரில்லிங் எக்ஸ்பிரஷன்கள் பார்ப்போரின் நெஞ்சை நடுங்க வைக்கின்றன.

மிருகங்களுக்கும் விலங்குகளுக்கும் கண்ணாடி பிம்பத்தைப் புரிந்து கொள்ளும் திறன் இல்லை என்பதை இந்தச் சம்பவம் மிகத் தெளிவாக உணர்த்துகிறது. இணையத்தில் காட்டுத்தீ போலப் பரவி வரும் இந்த வீடியோவை லட்சக்கணக்கான மக்கள் பார்வையிட்டு வருகின்றனர்.

மேலும் “பாம்பின் இந்த அதிதீவிரமான தாக்குதலைப் பார்த்தால் உண்மையிலேயே பயமாக இருக்கிறது” என்றும், “இயற்கையின் விசித்திரமான நடத்தைகளில் இதுவும் ஒன்று” என்றும் நெட்டிசன்கள் தங்களது வியப்பான கருத்துக்களைப் பதிவிட்டு வருகின்றனர்.

“>