பாலிவுட் நடிகை ஸ்வரா பாஸ்கர் தனது கணவர் பஹத் அகமதுவை மீண்டும் திருமணம் செய்து கொள்ள உள்ளார். இருவரும் சமீபத்தில் பதிவு திருமணம் செய்து கொண்டனர். இருந்தாலும் பாரம்பரிய முறைப்படி மீண்டும் திருமணம் செய்து கொள்ள உள்ளனர். இவர்களின் திருமணம் இந்த மாதம் 15 மற்றும் 16 ஆகிய தேதிகளில் நடைபெற உள்ளது. இதனிடையே இது தொடர்பான திருமண அழைப்பிதழ் அட்டை புகைப்படங்கள் சமூக வலைத்தளத்தில் அதிகம் பகிரப்பட்டு வருகிறது. நடிகை ஸ்வரா பாஸ்கர் இரண்டு திரை விருதுகளை வென்றுள்ளார். மூன்று முறை பிலிம் பேர் விருதுக்கு பரிந்துரைக்கப்பட்டவர். இவருக்கு தற்போது பலரும் தங்கள் வாழ்த்துக்களை தெரிவித்து வருகின்றனர்.