தமிழக சட்டமன்றத்தில் முதலமைச்சர் விஜய் தலைமையிலான தவெக அரசு மீதான நம்பிக்கை வாக்கெடுப்புக்கு எதிராகத் தாக்கல் செய்யப்பட்ட மனுவை உச்ச நீதிமன்றம் (SC) அதிரடியாகத் தள்ளுபடி செய்து உத்தரவிட்டுள்ளது.

தமிழக சட்டப்பேரவையில் நடைபெற்ற நம்பிக்கை வாக்கெடுப்பில் பல்வேறு முறைகேடுகள் மற்றும் விதிமீறல்கள் நடந்ததாகக் குற்றம் சாட்டி இந்த மனு நீதிமன்றத்தில் தாக்கல் செய்யப்பட்டிருந்தது.

இந்த மனுவை இன்று விசாரித்த நீதிபதிகள், நம்பிக்கை வாக்கெடுப்பில் முறைகேடு நடந்ததற்கான எந்தவொரு நம்பகமான ஆதாரமும் மனுதாரர் தரப்பில் தாக்கல் செய்யப்படவில்லை என்றும், முற்றிலும் தவறான மற்றும் உள்நோக்கம் கொண்ட குற்றச்சாட்டுகளை இந்த மனு கொண்டிருப்பதாகவும் கூறி அதனைத் தள்ளுபடி செய்வதாக அறிவித்தனர்.

உச்ச நீதிமன்றத்தின் இந்த அதிரடி தீர்ப்பு, பொறுப்பேற்ற சில வாரங்களிலேயே சட்டப் போராட்டத்தை எதிர்கொண்ட தவெக அரசுக்கும், முதலமைச்சர் விஜய்க்கும் கிடைத்துள்ள மிகப்பெரிய முதல் அரசியல் வெற்றியாகப் பார்க்கப்படுகிறது.