சமூக வலைதளங்களில் வைரலாகும் ஒரு வீடியோவில், ஒரு நபர் பணம் சம்பாதிக்க எளிய வழி என்று கூறி, வலிமையான காந்தத்தை கயிற்றில் கட்டி நதி மற்றும் நீரோடைகளில் போடுகிறார். முதலில் பாலத்திலிருந்து நதியில் போட்டபோது சில நாணயங்கள் கிடைக்கின்றன. பின்னர் பல முயற்சிகளுக்குப் பிறகு ஒரு ப்ளூடூத் சாதனமும், பல நாணயங்களும் சேர்கின்றன. வீடியோவின் அதிர்ச்சியான பகுதியில், ஒரு நீரோடையில் போட்டபோது காந்தத்தில் ஒரு வளையல் ஒட்டிக்கொண்டு வருகிறது.
அவர் அதை எடுத்துக்கொண்டு உடனடியாக தங்கக்கடைக்கு ஓடுகிறார், அங்கு அது 12 கேரட் தங்கம் என்று கூறி 8,500 ரூபாய் கொடுக்கப்படுகிறது. இந்த வீடியோ இன்ஸ்டாகிராமில் @good_work_66 என்ற கணக்கில் பகிரப்பட்டு பெரும் வைரலானது. ஆனால், நெட்டிசன்கள் இதை போலியானது என்று விமர்சித்துள்ளனர், ஏனெனில் தங்கம் காந்தத்தில் ஒட்டாது. பலர் இது வியூஸ் பெறுவதற்கான புதிய தந்திரம் என்று கூறுகின்றனர்.
