இஞ்சி வரத்து மேலும் குறைந்துள்ளதால், கோயம்பேடு மார்க்கெட்டில் இஞ்சி விலை கடுமையாக உயர்ந்துள்ளது. கேரளா, கர்நாடகா, மத்தியப் பிரதேசம், மேற்கு வங்கம் ஆகிய மாநிலங்களில் இருந்து தினமும் 200 டன் இஞ்சி இறக்குமதி செய்யப்படும் நிலையில், கடந்த ஞாயிற்றுக்கிழமை 130 டன் இஞ்சி இறக்குமதி செய்யப்பட்டது. இதனால், புதிய இஞ்சி கிலோ ரூ.80ல் இருந்து ரூ.110 ஆகவும், பழைய இஞ்சி கிலோ ரூ.230 ஆகவும் உயர்ந்தது. சின்ன வெங்காயம் ரூ.80 முதல் ரூ.120க்கும், பெல்லாரி வெங்காயம் ரூ.50 முதல் ரூ.65க்கும் விற்பனை செய்யப்படுகிறது.