விசிக அமைச்சரவையில் இடம்பெறுவது குறித்த விவாதங்கள் சூடுபிடித்துள்ள நிலையில், தான் அமைச்சராகப் போவதில்லை என்று விடுதலைச் சிறுத்தைகள் கட்சியின் தலைவர் தொல். திருமாவளவன் எம்பி அவர்கள் அதிரடியான அறிவிப்பு ஒன்றை வெளியிட்டு அரசியல் களத்தில் பெரும் பரபரப்பை ஏற்படுத்தியுள்ளார். புதிய அமைச்சரவையில் தான் கண்டிப்பாக இடம்பெற வேண்டும் என்று தவெகவினர் வலியுறுத்தினர். இருப்பினும், இந்த அமைச்சரவையில் தான் நேரடியாகப் பங்குபெறுவதில் தனக்குத் தனிப்பட்ட முறையில் உடன்பாடு இல்லை என்று திருமாவளவன் ஓப்பனாகத் தெரிவித்துள்ளார்.

தற்போதைய சூழலில் கட்சியின் முக்கிய நிர்வாகியான வன்னி அரசு அமைச்சராவது தான் சரியாக இருக்கும் எனத் தான் முடிவு செய்துள்ளதாகவும், அமைச்சராகப் பொறுப்பேற்கக் கூடாது என்பதில் தான் இப்போதும் மிக உறுதியாக இருப்பதாகவும் அவர் திட்டவட்டமாகக் கூறியுள்ளார். பதவி ஆசையில்லை என்பதை நிரூபிக்கும் வகையில் திருமாவளவன் எடுத்துள்ள இந்த அதிரடி முடிவு விசிக தொண்டர்களிடையே திகைப்பை ஏற்படுத்தியுள்ளது.