உத்தரப்பிரதேச மாநிலம் மதுரா மாவட்டத்தின் பர்சானா பகுதியில், வழக்கம்போல் காலையில் நடைப்பயிற்சி மேற்கொண்டிருந்த இரு பெண்கள் மீது அதிவேகமாக வந்த கார் மோதி கோர விபத்து ஏற்பட்டுள்ளது.
மேலும் கோவர்தன் சாலையில் நடந்து சென்று கொண்டிருந்த பா.ஜ.க பிரமுகர் ஒருவரின் தாய் மற்றும் அவரது அத்தை ஆகிய இருவர் மீதும், பின்னால் கட்டுப்பாட்டை இழந்து அதிவேகமாக வந்த சுவிஃப்ட் கார் ஒன்று பயங்கரமாக மோதியது. இந்த மோதலின் வீரியத்தில் அந்த இரு பெண்களும் பல அடி தூரம் காற்றில் தூக்கி வீசப்பட்டு கீழே விழுந்தனர்.
இந்த நெஞ்சைப் பதறவைக்கும் ஒட்டுமொத்த காட்சியும் அங்கிருந்த சிசிடிவி கேமராவில் பதிவாகி சமூக வலைத்தளங்களில் வெளியாகி பெரும் அதிர்ச்சியை ஏற்படுத்தியுள்ளது. இந்த விபத்தில் படுகாயமடைந்த இரு பெண்களும் உடனடியாக மீட்கப்பட்டு அருகில் உள்ள மருத்துவமனையில் தீவிர சிகிச்சைக்காக அனுமதிக்கப்பட்டுள்ளனர்.
இதனால் விபத்தை ஏற்படுத்திய காரின் ஓட்டுநர், வாகனத்தை அங்கேயே விட்டுவிட்டு சம்பவ இடத்திலிருந்து தப்பியோடிவிட்டார். தகவலறிந்து வந்த போலீசார் காரைக் கைப்பற்றி, சிசிடிவி காட்சிகளின் அடிப்படையில் தப்பியோடிய ஓட்டுநரைத் தீவிரமாகத் தேடி வருகின்றனர்.
இந்த விபத்து குறித்த வீடியோ இணையத்தில் வைரலாகி வரும் நிலையில், இதைப் பார்த்த நெட்டிசன்கள் “இங்கே மனித உயிர்களுக்கு மதிப்பதே இல்லாமல் போய்விட்டது” என்று தங்களது குமுறல்களையும், போக்குவரத்து விதிகளை மதிக்காமல் வாகனம் ஓட்டுபவர்கள் மீதான கோபத்தையும் சமூக வலைத்தளங்களில் வெளிப்படுத்தி வருகின்றனர்.
