பிரெஞ்சு சைக்கிள் வீரரும், சமூக ஊடக பிரபலமுமான ஆரெலியன் ஃபோன்டனாய், ஆல்-டெரெய்ன் பைக்கில் எய்ஃபில் டவரின் இரண்டாவது மாடியை 12 நிமிடங்கள் 30 வினாடிகளில் ஏறி, உலகின் வேகமான வீரர் என்ற சாதனையை படைத்தார்.
அக்டோபர் 3, வெள்ளிக்கிழமை அன்று நடந்த இந்த சாதனையின் மூலம், 2002-ல் ஹ்யூக்ஸ் ரிச்சர்ட் படைத்த 19 நிமிடங்கள் 4 வினாடிகள் என்ற முந்தைய சாதனையை ஏறக்குறைய 7 நிமிடங்கள் வித்தியாசத்தில் முறியடித்தார்.
எய்ஃபில் டவரின் 686 படிகளை ஏறி, படிக்கட்டுகள் மூலம் செல்லக்கூடிய உயரமான இடமான இரண்டாவது மாடியை அடைந்தார். இந்த முயற்சியில், ஃபோன்டனாயின் கால்கள் தரையை தொடாமல் இருக்க வேண்டும் என்ற விதியை பின்பற்றி இந்த சாதனையை நிகழ்த்தினார்.
View this post on Instagram
எய்ஃபில் டவர் நிர்வாகம் வெளியிட்ட அறிக்கையில், “ஃபோன்டனாய் 686 படிகளை 12 நிமிடங்கள் 30 வினாடிகளில் ஏறி, இரண்டாவது மாடியை அடைந்தார்” என்று குறிப்பிடப்பட்டது.
வெற்றிக்கு பின், ஃபோன்டனாய், “இவ்வளவு குறைந்த நேரத்தில் இதை செய்வேன் என எதிர்பார்க்கவில்லை. எய்ஃபில் டவர் ஒரு சின்னம்; இதை ஏற வேண்டும் என்பதே என் கனவு” என்று உற்சாகமாக தெரிவித்தார்.
தனது “தி கிளைம்ப்” திட்டத்தின் ஒரு பகுதியாக, 2021-ல் பாரிஸில் உள்ள 140 மீட்டர் உயர ட்ரினிடி டவரையும், இந்த ஆண்டு எஸ்டோனியாவில் உள்ள டாலின் டிவி டவரையும் ஏறியவர் ஃபோன்டனாய்.
உலகின் மிக உயரமான டவர்களை ஏறுவதற்கு திட்டமிடுவதாகவும் அவர் சிஎன்என்-க்கு அளித்த பேட்டியில் கூறினார். இந்த சாதனை, சமூக ஊடகங்களில் வைரலாகி, @toureiffelofficielle இன்ஸ்டாகிராம் பதிவில் பரவலாக பகிரப்பட்டு, அவரது திறமையை உலகம் பாராட்டி வருகிறது.
