சமூக வலைதளங்களில் வைரலாகி வரும் ஒரு வீடியோ, பூரி பிரியர்களுக்கு பெரும் ஆச்சரியத்தையும் மகிழ்ச்சியையும் அளித்துள்ளது. இதில், ஒரு பெண்மணி, அதிக எண்ணெய் இல்லாமல், மென்மையான மற்றும் குறைந்த எண்ணெய் பயன்படுத்தி பூரி பொரிப்பதற்கு ஒரு எளிய முறையைக் காட்டியுள்ளார்.

இந்த வீடியோ இன்ஸ்டாகிராமில் radhikamaroo123 என்ற கணக்கில் பகிரப்பட்டு, கோடிக்கணக்கானவர்களால் பார்க்கப்பட்டு, கமென்ட் பகுதியில் பலரது பாராட்டுகளைப் பெற்று வருகிறது. இந்த முறையைப் பயன்படுத்தினால், எயர் ஃப்ரையர் வாங்கும் செலவை மிச்சப்படுத்தலாம், மேலும் வீட்டிலுள்ள எளிய பொருட்களைக் கொண்டு சுவையான, எண்ணெய் குறைவான பூரியை தயாரிக்க முடியும்.

பொதுவாக, பூரி என்றாலே சூடாகவும், பஞ்சு போல உப்பி, சுவையாக இருக்க வேண்டும். ஆனால், அதிக எண்ணெய் உறிஞ்சப்படுவதால், பலருக்கு பூரி உண்பது தயக்கமாக இருக்கும். இந்த வீடியோவில், பெண்மணி ஒரு கடாயில் எண்ணெயை சூடாக்கிய பிறகு, அதில் ஒரு சிட்டிகை உப்பு மற்றும் இரண்டு டூத்பிக்குகளைப் போடுகிறார்.

இந்த இரண்டு பொருட்களும், பூரி அதிக எண்ணெயை உறிஞ்சுவதைத் தடுக்கின்றன. மாவில் உள்ள ஈரப்பதத்தால் எண்ணெயில் நுரை உருவாகி, பூரி அதிக எண்ணெயை உறிஞ்சுவதற்கு காரணமாகிறது.

ஆனால், உப்பு சேர்ப்பதால் நுரை உருவாகும் செயல் குறைகிறது, இதனால் எண்ணெய் தெளிவாக இருக்கிறது. டூத்பிக்குகள், உப்பு பூரியை பாதிக்காமல், எண்ணெயில் மட்டுமே செயல்பட உதவுகிறது. இதனால், பூரி அதே சுவையுடன், குறைந்த எண்ணெயில் மென்மையாகவும், ஆரோக்கியமாகவும் வருகிறது. இந்த முறை, பலருக்கு வெற்றிகரமாக பயன்பட்டதாக கமென்ட்களில் தெரிவிக்கப்பட்டுள்ளது.