கர்நாடக மாநிலம் பெங்களூருவைச் (Bengaluru) சேர்ந்த ஒரு இளைஞர், ஆண்டுக்கு ₹25 லட்சம் சம்பளம் வந்தத் தனது உயர் பதவிக் கார்ப்பரேட் வேலையை (Corporate Job) விட்டுவிட்டு, ஒரு உணவு டெலிவரி ஊழியராக (Food Delivery Boy) மாறினார்.

இதற்குப் பின்னணியில், அவர் தனக்குச் சொந்தமாக ஒரு ‘கிளவுட் கிச்சன்’ (Cloud Kitchen) உணவகத்தைத் தொடங்கும் பெரிய கனவை வைத்திருந்ததுதான் காரணம்.

தனது கனவுத் திட்டத்தைத் தொடங்குவதற்கு முன்னர், தனதுப் பல்கலைக்கழகத்திற்கு அருகில் எந்த வகையான உணவுகளுக்குத் தேவை உள்ளது, அவற்றின் விலை மற்றும் அதிக ஆர்டர்கள் வரும் பகுதிகள் ஆகியவற்றைத் தானே நேரடியாகக் களமிறங்கி அறிய விரும்பினார்.

இதற்காகவே அவர் டெலிவரி வேலையைத் தேர்ந்தெடுத்தார். திருமணம் நெருங்கி வந்த நிலையில், குடும்பத்தினர் மற்றும் நண்பர்களின் எதிர்ப்பையும், வாட்ச்மேன்களால் திட்டப்பட்ட அவமானங்களையும் தாண்டி, தனது ஆராய்ச்சியில் அவர் பின்வாங்கவில்லை.

தனது ஆய்வின் மூலம், குறைந்த விலையில் அதிக விற்பனையாகும் 12 வகையான உணவுப் பொருட்களை அவர் அடையாளம் கண்டார். சரியான வியாபார மாதிரியை (Business Model) உருவாக்கியுள்ள அவர், 3-4 மாதங்களுக்குள் லாபம் ஈட்ட முடியும் என்று நம்பிக்கை தெரிவித்துள்ளார். இந்த இளைஞரின் கதை, சமூக வலைதளங்களில் வைரலாகி வருகிறது.