மாணவர்கள் பாதுகாப்பு மிக முக்கியம் என்பதை வலியுறுத்தும் வகையில், மத்திய கல்வி வாரியான சிபிஎஸ்இ (CBSE) புதிய சுற்றறிக்கையை வெளியிட்டுள்ளது. சிபிஎஸ்இ செயலாளர் ஹிமான்சு குப்தா வெளியிட்டுள்ள இந்த சுற்றறிக்கையில், பள்ளி வளாகத்தில் பாதுகாப்பு நடவடிக்கைகளை கடுமையாக பின்பற்ற வேண்டும் என வலியுறுத்தப்பட்டுள்ளது.
“மாணவர்கள் பள்ளியில் பாதுகாப்பாகவும், ஒருங்கிணைந்த சூழலில் பயிலும் வகையில் சரியான கட்டுப்பாடுகள் அமைக்கப்பட வேண்டும். CBSE இணைப்பு துணைச் சட்டங்கள் 2018-இல் அத்தியாயம் 4 பிரிவில் திருத்தங்கள் செய்யப்பட்டு, பள்ளி வளாகங்களில் கண்காணிப்பு ஏற்பாடுகள் கட்டாயமாக்கப்பட்டுள்ளன.”
எந்த இடங்களில் கேமரா கட்டாயம்?
அதன்படி, கீழ்க்கண்ட பொது இடங்களில் ஆடியோ வசதி உடைய கண்காணிப்பு கேமராக்கள் நிறுவப்பட வேண்டும்:
பள்ளியின் நுழைவுவாயில்கள்
வெளியேறும் வழிகள்
பாதைகள்
படிக்கட்டுகள்
வகுப்பறைகள்
நூலகம்
அயல்வகைகள் (ஆய்வகங்கள்)
கேண்டீன்
ஸ்டோர் ரூம்
விளையாட்டு மைதானம்
(கழிப்பறைகள் இதில் விதிவிலக்கு)
இந்த கேமராக்கள் குறைந்தது 15 நாட்கள் வரை வீடியோ மற்றும் ஆடியோ பதிவு சேமிக்கக்கூடிய திறன் கொண்ட சாதனங்களுடன் இணைக்கப்பட வேண்டும். இது குறித்த பாதுகாப்பு விதிமுறைகளை அனைத்து CBSE பள்ளிகளும் அவசியமாக பின்பற்ற வேண்டும் என சுற்றறிக்கையில் கூறப்பட்டுள்ளது.
இந்த நடவடிக்கை மூலம், மாணவர்களின் பாதுகாப்பை உறுதி செய்வதுடன், எந்தவொரு தவறான சம்பவமும் நேர்ந்தால் துரித விசாரணைக்கு ஆதாரம் கிடைக்கும் வகையில் பாதுகாப்பு ஏற்பாடுகளை உறுதி செய்யும் நோக்கத்துடன் இத்திட்டம் வகுக்கப்பட்டுள்ளது.
