தென்கொரியாவில் இளம் நடிகரான பார்க் மின் ஜே (32) என்பவர் வசித்து வந்துள்ளார். இவர் சீனாவில் சுற்றுப்பயணம் மேற்கொண்ட போது, மாரடைப்பால் உயிரிழந்தார். இதுகுறித்து அந்நாட்டு வலைதளத்தில் செய்தி ஒன்று வெளியிடப்பட்டுள்ளது. அதாவது சீனாவில் பயணம் செய்து கொண்டிருந்தபோது, நவம்பர் 29ஆம் தேதி அவர் மாரடைப்பால் உயிரிழந்தார் என்று தெரிவித்திருந்தது. இந்த தகவலை அவருடைய பிக் டைட்டில்  நிறுவனமும் அறிவித்திருந்தது.

இதுகுறித்து அதன் இன்ஸ்டாகிராம் பக்கத்தில் வெளியிட்ட பதிவு நடிப்பை விரும்பிய ஒரு அழகான நடிகர் என்றும், எப்போதும் சிறந்த முறையில் செயல்பட விரும்புவார் என்றும், தற்போது அவர் சொர்க்கத்துக்கு சென்றிருக்கிறார் என்றும் தெரிவித்துள்ளது. அவருடைய நடிப்பை இனி நாம் பார்க்க முடியாது. ஆனால் அவருடைய பெருமையுடன் எப்போதும் நாம் நினைவு கூறுவோம் என்று தெரிவித்திருந்தது.

சீனாவுக்கு சுற்றுப்பயணம் மேற்கொள்வதற்கு முன், அவருக்கு பெரிய அளவில் சுகாதார பாதிப்புகள் எதுவும் இல்லை என்றும் அந்நிறுவனம் தெரிவித்துள்ளது. அவர் மிஸ்டர் லீ 2021, லிட்டில் உமன் 2022, ஸ்னாப் மற்றும் ஸ்பார்க் 2023 மற்றும் கொரியா கீத்தன் வார் 2024 போன்ற தொலைக்காட்சி தொடர்களில் நடித்துள்ளார் என்பது குறிப்பிடத்தக்கது.