வருகிற பிப்ரவரி 27-ஆம் தேதி ஈரோடு கிழக்கு தொகுதி இடைத்தேர்தல் நடைபெற உள்ளது. இதற்கான வேட்பு மனு தாக்கல் ஜனவரி 31-ஆம் தேதி தொடங்கிய நிலையில் பிப்ரவரி 7-ஆம் தேதி வேட்பு மனு தாக்கல் செய்ய கடைசி நாளாகும். வெள்ளிக்கிழமை வரை 36 பேர் வேட்பு மனு தாக்கல் செய்துள்ள நிலையில் இன்று ஒரே நாளில்‌ 10 பேர் வேட்பு மனு தாக்கல் செய்துள்ளனர். முன்பாக காங்கிரஸ் வேட்பாளர் இ.வி.கே.எஸ்.இளங்கோவன், அ.தி.மு.க ஓ.பி.எஸ் அணி வேட்பாளர் பி.செந்தில் முருகன், தி.மு.க வேட்பாளர் ஏ.எம் சிவப்பிரசாத் அக்கட்சியின் மாற்று வேட்பாளராக விசாலாட்சி போன்றோர் தங்களது வேப்பமனுவை தாக்கல் செய்துள்ளனர். ஏற்கனவே அ.தி.மு.க இ.பி.எஸ் அணியின் வேட்பாளரான கே.எஸ் தென்னரசு வெள்ளிக்கிழமை வேட்பு மனு தாக்கல் செய்வார் என அறிவிக்கப்பட்டு பின்னர் பிப்ரவரி 7-ஆம் தேதிக்கு ஒத்திவைக்கப்படுவதாக அந்த கட்சி சார்பில் கூறப்பட்டது.