குஜராத் மாநிலம் ஆமதாபாத் மாநகராட்சி நிகழ்ச்சியில் மத்திய உள்துறை அமைச்சர் அமித்ஷா கலந்து கொண்டு, சுமார் ஆயிரத்து ஐந்நூறு கோடி ரூபாய் மதிப்பிலான மூன்று விளையாட்டு வளாகங்கள் உட்படப் பல்வேறு திட்டங்களுக்கு அடிக்கல் நாட்டியும், தொடங்கியும் வைத்தார். நிகழ்ச்சியில் அவர் பேசுகையில், கடந்த 2014 ஆம் ஆண்டு மக்களவைத் தேர்தலில் தொடங்கி 2025 ஆம் ஆண்டு வரை பாரதிய ஜனதா கட்சியின் வெற்றிப் பயணம் தொடர்ந்து வருவதாகத் தெரிவித்தார். நடந்து முடிந்த நாடாளுமன்றத் தேர்தலில் நரேந்திர மோடி மூன்றாவது முறையாகப் பிரதமராகிப் பெரும் சாதனை படைத்தார்.

பீகாரில் கூடப் பாஜக கூட்டணி மூன்றில் இரண்டு பங்கு பெரும்பான்மையுடன் ஆட்சி அமைத்துள்ளது என்பதைக் குறிப்பிட்டார். ஆனால், எதிர்க்கட்சித் தலைவர் ராகுல் காந்தியோ, மின்னணு வாக்குப்பதிவு இயந்திரங்கள் மற்றும் வாக்காளர் பட்டியலை மட்டும் குறைகூறிக் கொண்டிருக்கிறார் என்றும், காங்கிரசையும், அதன் கூட்டணிக் கட்சிகளையும் மக்கள் ஏற்றுக்கொள்ளவில்லை என்பதுதான் உண்மை என்றும் சுட்டிக்காட்டினார்.

மகாராஷ்டிரம், ஹரியானா, டெல்லி ஆகியவற்றைத் தொடர்ந்து பீகாரிலும் காங்கிரஸ் கட்சி முற்றிலுமாகத் துடைத்து எறியப்பட்டுவிட்டது என்றும், ஒவ்வொரு மூலையிலும் காங்கிரசையும், அதன் கூட்டணிக் கட்சிகளையும் மக்கள் நிராகரித்து வருகிறார்கள் என்றும் ஆவேசமாகப் பேசினார். தொடர்ந்து பேசிய அமித்ஷா, மேற்கு வங்க முதல்வர் மம்தா பானர்ஜி, மற்றும் தமிழக முதல்வர் மு.க ஸ்டாலின் ஆகியோர் தயாராக இருக்குமாறு இதே மேடையிலிருந்து தெரிவித்துக் கொள்வதாகவும், அடுத்துப் பின்னணி மக்களின் ஆதரவுடன் மேற்கு வங்காளத்திலும், தமிழ்நாட்டிலும் பாரதிய ஜனதா கூட்டணிதான் அமோக வெற்றி பெற்று ஆட்சி அமைக்கப் போகிறது என்றும் உறுதியுடன் கூறினார்.

தேர்தல் முடிவுகள் வரட்டும், மேற்கு வங்காளத்தில் திரிணாமுல் காங்கிரசும், தமிழ்நாட்டில் திமுகவும் துடைத்து எறியப்படும் என்று தெரிவித்தார். மேலும், அயோத்தியில் ராமர் கோவில் கட்டி முடிக்கப்பட்ட நிலையில், சீதா தேவி பிறந்த பீகார் மாநிலம் சீதாமரியில் சீதா தேவிக்குக் கோவில் கட்டப்படும் என்றும், நான்கு மாதங்களுக்கு முன்பு அதற்கு அடிக்கல் நாட்டப்பட்டதாகவும், இரண்டாயிரத்து இருபத்தாறு ஆம் ஆண்டுக்குள் கோவில் கட்டி முடிக்கப்படும் என்றும் அறிவித்தார்.

ஆமதாபாத்தில் இரண்டாயிரத்து இருபத்தொன்பது ஆம் ஆண்டு உலகப் காவல்துறை மற்றும் தீயணைப்பு வீரர்களுக்கான விளையாட்டுப் போட்டிகள் நடைபெறும் என்றும், இரண்டாயிரத்து முப்பது ஆம் ஆண்டு அங்குப் காமன்வெல்த் போட்டிகள் நடத்தப்படும் என்றும், இரண்டாயிரத்து முப்பத்தாறு ஆம் ஆண்டு ஆமதாபாத்தில் ஒலிம்பிக் போட்டிகள் நடைபெறும் என்றும் கூறினார். அதன் மூலம் சர்வதேச விளையாட்டு வரைபடத்தில் ஆமதாபாத் முக்கிய இடம்பெறும் என்றும் அமித்ஷா பேசினார்.